نشرة أخبار محكمة الأسرة اليوم السبت 10/2/2024
محكمة الأسرة اليوم .. مروة: كنت هنتحر قبل كدا بسببه.. سميرة: مخلص فلوسي أنا وعيلته على المخدرات
محكمة الأسرة اليوم .. تقصد الزوجة القضاء في نهاية المطاف بعد ما تفشل في إصلاح حياتها الزوجية من خلال دعوى طلاق أو خلع تقيمها، يعرض موقع الحادثة أخبار محكمة الأسرة اليوم من خلال النشرة التي يعرضها يوميا.
محكمة الأسرة اليوم.. سحر: كنت فاكرة الجواز دلع طلع ضرب وإهانة
دعوى طلاق أقامتها سحر في محكمة الأسرة ضد زوجها الذي كان سبب تحول كل المشكلات والخلافات بينهما، ورغم كل محاولاتها ورغبتها في إصلاح الأمور بينهما لم تنجح أي محاولة بينهما وكانت محكمة الأسرة في النهاية هي الحل الأخير لتنقذ نفسها من الحياة المليئة بالبؤس، تستكمل سحر رواياتها لقاضي محكمة الأسرة مضيفة: "حياتي انهارت بعد الجواز وأنا اللي كنت فاكرة إن حياتي هتحلو أكتر وأكتر بعد الجواز بس طلعت غلطانة بعد اللي شوفته من أول شهر دا، سبت البيت كتير وأهلي اتكلموا معاه كتير عشان يحترم نفسه معايا بس برضو مفيش فايدة فيه خالص، تعبت منه ومن ضربه ولقيت إن كل المحاولات مش جايبة معاه نتيجة رحت سبت البيت ورفعت عليه قضية طلاق بقالي 5 شهور".
محكمة الأسرة اليوم.. منار: بياخد مرتبي بالعافية ومش مكفية إنه مبيصرفش ولا مليم
دعوى نفقة توسلت إليها منار في محكمة الأسرة بعد ما عانت مع زوجها لمدة 10 سنوات بالكامل بسبب رفضه الإنفاق عليها علاوة على أخذ مرتبها الشهري منها عنوةً ما جعلها تلجأ على محاكم الأسرة بعد كما وجدت أن هذا الطري الوحيد الذي يجلب لها حقها، تنهي منار رواياتها لقاضي محكمة الأسرة وتقول: "نزلت أنا اشتغل وبقيت أنا اللي شايلة مصاريف البيت ومش مكفية إنه مبيصرفش عليا انا والعيال لا كمان بياخد مني المرتب بالعافية عشان يدلع نفسه ومش مهم العيال، عشان كدا ملقتش قدامي غير محكمة الأسرة عشان يعرف إنه الله حق"
محكمة الأسرة اليوم.. مروة: كنت هنتحر قبل كدا بسببه
خلافات كانت حلها النهائي على أعتاب محكمة الأسرة من خلال دعوى خلع أقامتها مروة بعد معاناة مع زوجها دامت لأكثر من 8 سنوات جعلتها تفكر في الانتحار أكثر من مرة بعدما طلبت من أهلها كثيرًا أنها ترغب في الانفصال منه ولكنهم اعترضوا على هذه الفكرة ما جعلها تقصد محكمة الأسرة، استكملت باقي حديثها قائلة: "من كتر ما أنا كنت بكتم في نفسي وتعبت نفسيًا بسببه، فكرت أكتر من مرة في الانتحار عشان أخلص منه عشان معندناش في العيلة حد يتطلق، وصبرت على أمل إن في أي حاجة هتحصل ويبقى كويس معايا بس الدنيا كانت بتبوظ بينا أكتر"، بعد ما تحملت مروة سنوات كثيرة في ضغط ومعاناة مع زوجها قررت أن تلجأ إلى محكمة الأسرة ورفع دعوى خلع منذ 6 شهور ولا تزال الدعوى منظورة في المحكمة حتى الآن.
محكمة الأسرة اليوم.. سميرة: مخلص فلوسي أنا وعيلته على المخدرات
توجهت سميرة إلى محكمة الأسرة بعدما تأكدت أنه الطريق الوحيد الذي يساعدها في تخلصها من حياتها التي عانت فيها لأكثر من 12 عام بسبب إدمان زوجها للمخدرات بطريقة مفرطة، تابعت: "اتخانقت معاه كتير عشان يفوق لبيته وعياله بس مفيش فايدة فيه برضو بس هو ولا هنا، أهم حاجة عنده المخدرات وبيعمل أي حاجة عشان يجيب فلوس، ولو معرفش ياخد مني أي حاجة بيلف على أهله كلهم واحد واحد عشان ياخد فلوس يجيب بيها المخدرات"، عندما تأكدت أنها لم تتحمل أن تكمل باقي حياتها بهذه الطريقة ما جعلها تقصد محكمة الأسرة من أجل رفع دعوى طلاق
محكمة الأسرة اليوم.. سلوى: طردني انا والعيال من الشقة ومش عايز يرجعنا
لم تجد سلوى أمامها سوى دعوى تمكين تقيمها في محكمة الأسرة بعد ما تفاقمت المشكلات بينهما بسبب طردها من شقة الزوجية في مشاجرة عابرة بينهما علاوة على إصراره بعدم ارجاعها لبيتها هي والأولاد، قالت سلوى للقاضي: "كنا بنتخانق كتير بس انا كنت بعدي عشا خاطر احافظ على البيت، وبرغم كل المشاكل دي مكنتش اتخيل إني أهون عليه اوي كدا ويطردني من البيت أنا والعيال، وبالرغم من إن أهلي وأهله كلموه عشان يرجعني البيت تاني رفض وقال مش هتدخل البيت دا تاني خليها عند أمها"، عندما وجدت أن محاولة الصلح بينهما بالتراضي لم تصلح قررت اللجوء إلى محكمة الأسرة ورفع دعوى تمكين.
تابع أحدث الأخبار عبر
