أخبار محكمة الأسرة
محكمة الأسرة.. أماني: خرب البيت عشان واحدة عرفها من على النت
كانت محكمة الأسرة المكان الذي وصلت له «أماني» بعدما عاشت حياة طبيعية ومستقرة مع زوجها ولم تتوقع أبدا أن تكون هذه نهايتها لكن بعد الخيانة التي شهدتها من زوجها كان الانفصال هو الحل الوحيد الذي يجب القيام به ، بالرغم من محاولات الزوجة العديدة في إصلاح زواجها بعد زواج زوجها من أخرى لم تقدر على مشاركة زوجها الذي اختارته أن يكون شريك حياتها مع سيدة أخرى.
قصص محكمة الأسرة
بدأت «أماني» حديثها وفي عينيها الألم والحسرة عندما تذكرت حياتها مع زوجها وقالت: «أنا اتجوزت من 12 سنة خلفت من جوزي 3 أولاد الحياة كانت طبيعية ومفيش مشاكل كنا زي اتنين عاديين متجوزين هو كان بيشتغل وبيصرف عليا أنا والعيال ومش مخلينا محتاجين حاجة، وأنا قاعدة في البيت وكان جواز صالونات.»
حكايات محكمة الأسرة
تابعت الزوجة: «لحد ما لاحظت عليه أنه اتغير وبقي يتأخر بره شكيت أنه يعرف واحدة تانية لكن مكنش عندي إثبات ، لحد ما اكتشفت إن جوزي اتعرف على واحدة تانية عن طريق لعبة على النت وعرفت لما هي اللي اتصلت بيا وقالتلي انهم متجوزين ، وانا مكنش أعرف ولما واجهت جوزي ومأنكرش، كانت مفاجأة بالنسبالي لأنه مكنش باين عليه حاجة، جالي اكتئاب ومعرفتش أعمل إيه وقتها.»
دعاوي محكمة الأسرة
أضافت الزوجة: «حصل مشاكل كتير بسبب الموضوع ده، طلبت منه يطلقها رفض ، حاولت اتعايش مع الوضع وأكمل معاه عادي لكن مقدرتش، الإكتئاب زاد عليا ومبقتش قادرة أعيش معاه خالص، كان قدامي أرفع قضية خلع أو قضية طلاق ضرر، رفعت عليه قضية طلاق ضرر عشان أعرف أخد حقي» .
قضايا محكمة الأسرة
أنهت «أماني» حديثها: «اتنازلت عن قضية طلاق للضرر لانه رجع واعتذر وقالي نرجع عشان خاطر الولاد ميتبهدلوش حاولت ارجع عشان خاطر مصلحة الولاد لأنهم نفسيتهم أتدمرت بسبب اللي حصل لكن مقدرتش أكمل كنت عارفة أنه لسه معاها ومش هيسيبها مقدرتش أشارك جوزي مع واحدة تانية، ورجعت رفعت عليه قضية خلع عشان أنهي حياتي معاه لأني خلاص مش عايزه أكمل معاه » .
تابع أحدث الأخبار عبر
