«الديانة كتير».. الحاجة عايدة للمحكمة: مش عارفة أخد معاش جوزي أو أصرف على بناتي
تواجدت الحاجة عايدة على أبواب محكمة الأسرة وهي تحمل أثقال الدنيا على كتفها فهي أصبحت مسؤولة عن أبنائها وحدها بعد موت زوجها وتركه لها وحدها هي وبناتها.
الحاجة عايدة للمحكمة: مش عارفة أخد معاش جوزي أو أصرف على بناتي
بعد وفاة زوج الحاجة عايدة مباشرة وجدت نفسها في مواجهة مشكلة كبيرة جعلتها تلجأ لمحكمة الأسرة لمدة سنتين تحاول الحصول على حقها وحق بناتها ولم تستطع أن تجد حل حتى الآن، فبعد أن باع زوجها محل كان يسترزق منه حدث خطأ من الزوج وكان بسبب أصبح مديون بمبلغ كبير والزوجة هي المسؤولة عن تسديد هذا المبلغ الذي لا تملكه، ولسنين حاولت «الحاجة عايدة» أن تجد حل لمشكلتها لكنها لم تجد حل لها أو لبناتها وحفيدها الذي أصبحوا مسئوليتها وحدها في الدنيا، ولازالت «الحاجة عايدة» تحاول الحصول على حقوقها لتستطيع أن ترعى أسرتها.
جوزي اتوفى بسكتة قلبية
قالت الحاجة عايدة: «أنا اتجوزت من 30 سنة خلفت من جوزي بنتين، الحياة كانت عادية ومفيش مشاكل كان راجل كويس ومفيش مشاكل معاه، مكنش مخلينا محتاجين حاجة انا أو بناتي، وكان كل حاجة بنطلبها بينفذها، لحد ما اتوفى من سنتين فجأة مكنش تعبان أو أي حاجة مات بسكتة قلبية كانت صدمة كبيرة عليا أنا وبناتي».
بناتي ملهمش غيري يقف معاهم
تابعت الحاجة عايدة: «من ساعة ما جوزي مات أن اللي بقيت مسؤولة من بيتي وبناتي أنا اللي ارعاهم واخد بالي منهم، لما جيت أخد المعاش بعد وفاته لقيت أنه عليه مديونية بمبلغ كبير جدا والمعاش واقف بسببها، مكنتش فاهمة ازاي عليه المبلغ ده، لحد ما عرفت أنه كان عنده محل باعه من 25 سنة، مدفعش التأمينات بتاعته والمديونية دي بقالها سنين بتزيد لأنها فضلت شغالة للمحل اللي اتباع، جوزي غلطه انه مخلاش المشتري الجديد هو اللي يدفع التأمينات».
مش عارفة أخد المعاش
أكملت الحاجة عايدة: «مش عارفة اخد حتى المعاش بتاع والدي بسبب مديونية جوزي اللي لازم تتسدد، وانا لو معايا الفلوس دي مكنتش طالبت أني أخد المعاش، المديونية وصلت دلوقتي لـ 30 ألف، المالك الجديد شغال والفلوس بتزيد علينا وهو مش راضي يدينا عقد البيع ولا صورة منه عشان لو خدنا صورة هيضطر يدفع هو».
دعاوي إعلام وراثة
أنهت الحاجة عايدة كلامها: «بقالي سنتين مش عارفة اخد المعاش ولا اصرف على بناتي معايا بنت في ثانوية عامة وبنت منفصلة عن جوزها بسبب الخلافات وانا اللي بصرف عليها هي وابنها، وبلف لحد دلوقتي في المحاكم عشان ارفع قضية إعلام وراثة بس مش لاقيه حل».
تابع أحدث الأخبار عبر
