ثرية في محكمة الأسرة: مضيع فلوسه على الكباريهات والمخدرات وسايب عياله جعانين
لم يكن في حسبان «ثرية» أن تصل لمحكمة الأسرة بسبب زوجها الذي تزوجته لسنين طويلة، وأنجبت منه أبناءها، وظنت أنه سيكون ظهرها وسندها في الدنيا.
توالت المفاجآت على «ثرية» في حياتها مع زوجها الذي عاشت معه في ألم بسبب عدم صرفه أمواله عليها وعلى أبنائها، ولكن صرفها على الكباريهات والسيدات الأخريات، وغيرها على المخدرات.. كل ذلك تحملته «ثرية» من أجل أبنائها، لكن فاض بها الكيل، ولم تستطع تحمل الحياة مع زوجها، ووصلت في النهاية لمحكمة الاسرة؛ حتى تنتهي من حياتها المؤلمة معه.
حياتي مع جوزي صعبة
قالت «ثرية»: "أنا اتجوزت من 20 سنة، وخلفت ولدين وبنت، كان جواز صالونات وما كانش يبان أي حاجة غلط، وما كانش في مشاكل الدنيا، كنا زي أي اتنين عادي، بس طول عيشتي معاه الدنيا كانت صعبة، مجوعني أنا والعيال ومبيصرفش علينا".
مضيع فلوسه كلها على الستات
وتابعت «ثرية»: "المشاكل مع جوزي كانت من زمان كان مضيع فلوسه على الستات، وبيعرف عليا ستات من زمان وأنا معرفش، كنت بعرف من الناس الغريبة إنهم شافوه مع ستات تانية، وكنت بعمل نفسي معرفتش عشان أحافظ على بيتي وما اتطلقش".
فلوسه للمخدرات والكباريهات
أكملت «ثرية»: "بعد فترة كان كل مدى بيزيد والمشاكل معاه بتكتر، كان فيه حاجات بتحصل وانا معرفش، اكتشفت إنه كان بيشرب مخدرات ومضيع فلوسه عليها، وغير المخدرات مضيع فلوسه على الستات، وأمي كانت بتساعدني عشان أكفي بيتي وعيالي".
تعبت منه ومن خيانته ليا
وأضافت «ثرية»: "فضل مكمل على حاله ومبهدلني معاه، وفضلت أعرف من الناس في الشارع إنهم بيشاوفوه مع ستات تانية، وبقى يروح كباريهات ويعرف ستات ويرجع البيت هدومه كلها بيرفيوم حريمي، ولما كنت باواجهه يضربني لحد ما تعبت منه، وسبت البيت".
ولادي مع أبوهم لأن مفيش مكان يقعدوا معايا
واختتمت ثرية كلامها بقولها: "جوزي من ساعة ما مشيت وأخد العيال مني، وأنا قاعدة عند أمي، معنديش مكان يقعدو معايا فيه يكفيني أنا وهما.. باشوفهم واتطمن عليهم، بس مقدرش آخدهم يعيشوا معايا، ورفعت عليه قضية خلع عشان أخلص منه ومن عمايله".
تابع أحدث الأخبار عبر
