لنشر الثقافة القانونية.. قناة قانون بالعربي تحتفي بـ 100 ألف مشترك
احتفت قناة قانون بالعربي بوصولها لـ 100 ألف مشترك، واستلام الدرع الفضى من اليوتيوب.
قناة قانون بالعربي تحتفي بـ 100 ألف مشترك
وقال أحمد موسى المحامي: دلوقتي بس أقدر أقول إني حققت هدف بقالي ٣ سنين بسعى ليه وهو بناء قاعدة متابعين حقيقين، جايين ليا بكامل إرادتهم بدون أي تلاعب أو شراء متابعين، بتوفيق ربنا سبحانه وتعالى وصلنا للمكانة دي إن بقى لينا حصة كبيرة سوق الميديا وبقى لينا صوت مسموع.
وتابع: الحمد لله قدرنا نوصل لكده بدون أي تلاعب أو هلس أو تقليل من قيمة المحاماة والمحامين، وحاولت أظهر لكل الناس الصورة الجيدة للمحامين اللي أنا دايمًا شايفها بعنيا وأديت الدور المجتمعى ليا كمحامي في نشر الثقافة القانونية بإسلوب عام وبسيط وليس أكاديمي وصلنا بشرف و كرامة وهنكمل إن شاء الله.
وأكمل: الحمد لله قناة قانون بالعربى دلوقتي مصنفة من أكبر القنوات القانونية مش بس في مصر لا في الوطن العربي كله وده بفضل ربنا و المتابعين وزملائي اللي كان ليهم دور كبير في نشر محتوى قانوني على القناة وإن شاء الله مكملين وهنوصل في العالم كله.
واختتم: “أخيرًا عايز اشكر كل فريق عمل القناة اللى تعبوا معايا جدا و قد ايه الموضوع صعب إنك تنشر محتوى قانوني في مجال غير خصب لأي محتوى هادف، لكن الحمد لله رؤيتي طلعت صح”.
تابع أحدث الأخبار عبر
