«واخد اللي ورايا وقدامي».. سماح في دعوى خلع: من ساعة ما عرفته وأنا مديونة
مشكلات وخلافات عرفتها "سماح" من بداية عرفتها بالرجل الذي توسمت فيه الخير والصلاح للعيش في حياة هادئة ومستقرة، ولكن الذي واجهته عكس كل ما حلمت به ووجدت نفسها في حياة يعتريها المشكلات من جميع الجهات بسبب سدادها لديون زوجها.
سماح في دعوى خلع: من ساعة ما عرفته وأنا مديونة
خطوات تحمل فيها القهر والحزن لما شاهدته في حياتها مع زوجها تقدم بها نحو محكمة الأسرة لإقامة دعوى خلع ضد زوجها الذي كان السبب في تعاستها لسنوات طويلة، تبدأ الزوجة الحديث لـ "الحادثة" مؤكدة على أنها أرادت العيش بهدوء وسلام بعيدًا عن أي مشكلات، ولكن الزوج كان له رأي أخر.
كنت غلطانة إني مفسختش الخطوبة
تستكمل رواياتها قائلة: "في الخطوبة كان كويس معايا ومفيش أي مشاكل هو بس استل مني فلوس كام مرة عشان قال لي إنه مديون ومحتاج فلوس ضروري، وأنا كنت بشتغل وعارف إن معايا فلوس عشان كدا كان بيطلب مني فلوس وهو عارف إني هديه".
أضافت الزوجة: "لما قررنها كذا مرة معايا وانا في الخطوبة اتضايق وحسيت إنه بيستغلني بس هو كان كويس جدًا معايا في المعاملة ومكنش فيه أي حاجة وحشة خالص، فقلت مش مهم أكيد مزنوق ومحتاج الفلوس دي ضروري".
مبعملش حاجة غير إني بسدد ديونه
تغاضت سماح عن المرات التي استلف فيها أموال بسبب ديونه ووضعت له أعذار وأكملت في الزواج منه، لكنها لا تعرف أن حياتها بعد الزواج تتلخص في سداد ديون زوجها الذي تأكدت أنه يستغلها أسوأ استغلال، تستكمل الزوجة قصتها وتقول: "لما اتجوزنا بقا كنت برضو لسة شغالة، عشان كدا مكنش بيسيب لي فلوس وكنت لما بطلب منه كان بيسيب ليعلى القد أوي، كنت بقول مش مهم طالما معايا فلوس أصرف خلاص مكنتش بعمل مشاكل وأنا اللي بصرف وخلاص"، أضافت: "بس بقا كل شوية يقول لي أنا بس كنت مستلف المبلغ دا من فلان وعايز فلوس ضروري فأنا كنت بديله كل اللي هو عايزه، بس هو بقا يزيد وكل شوية يجي يقول لي أنا مديون ومحتاج فلوس تاني، فضلنا على الحال دا كتير".
من ساعة ما عرفته وأنا مديونة
تابعت الحديث قائلة: “بقا بياخد مني فلوس عشان ديونه ومبيسيبليش أي فلوس للبيت، لحد ما أنا كمان بقيت مديونة عشان بستلف فلوس اصرف على العيال، وبقيت مديونة طول الوقت بسببه، خناقات كتير معاه بس هو مفيش فايده فيه”.
أنهت القصة بالقول: "مستحملتش أفضل معاه كدا واني على طول مديونة كدا بسبب الفلوس اللي بيقلبها مني أول بأول"، سئمت من سداد ديون زوجها طوال ال وقت ما جعلها تلجأ لـ محكمة الأسرة ورفع دعوى خلع ضده منذ 3 شهور ولا تزال القضية منظورة في المحكمة حتى الآن.
تابع أحدث الأخبار عبر
