«ابني فاكر أبوه ميت».. نيفين في دعوى نفقة: بيعني دهبي عشان المخدرات
حلمت «نيفين» أن تدخل عش الزوجية مع فارس أحلامها، ومنذ أن فتحت أعينها وجدت أمامها ابن عمها فظنته هذا الفارس الذي تمنته، لكن ما إن دخل وحش المخدرات حياتهما حتى دمر حلمها في تكوين أسرة مع من تحبه.
في بداية حياتها اختارت «نيفين» أن تتزوج ابن عمها الذي وقعت في حبه وحلمت أن تبني معه أسرة يكون لها بيتها وحياتها الخاصة ولمدة 10 سنين كانت الحياة طبيعية وظنت أنها حققت حلمها الذي تحلم بتحقيقه من صغرها، لكن اتجه زوجها لتعاطي المخدرات ومن وقتها وتحول زوجها وأصبح شخص أخر، وإدمانه جعلها تلجأ في النهاية لمحكمة الأسرة.
اقرأ أيضا
جوزي طاردني من البيت بقاله سنة
قالت «نيفين»: أنا بقالي 10سنين متجوزة وخلفت 3 أولاد وجوزي طاردني من البيت بقاله سنة، الجواز كان عن حب وأنا وهو كنا قرايب ولاد عم، طول جوازنا مكنش في مشاكل والحياة كانت طبيعية وهو كان أب كويس لعياله، لكن بعد10 سنين بقى يتعاطى مخدرات ومن ساعتها بقى بني أدم تاني.
المخدرات خلته طردني من بيتي
تابعت«نيفين»: قبل المخدرات كان كويس وبيعاملني أنا وأولاده كويس وبيصرف علينا ومش مخلينا عايزين حاجة، لكن من بعد المخدرات بقى واحد تاني وكل ده اتغير، خد دهبي وباعه من ورايا عشان يشرب بيه مخدرات، كنت عايشة ومستحملة عشان ولادي ميتبهدلوش ولا بيتي يتخرب، لحد في مرة وداني زيارة لأهلي وقالي خليكي هناك مترجعيش جاب أهله لما مشيت وأعدوا في الشقة ومرضيش يدخلني الشقة من ساعتها.
اقرأ أيضا
عيالي بقوا ميعرفوش أبوهم
وعندما سألت «نيفين» ابنها الذي لم يتجاوز الثلات سنوات "فين بابا" جاوبها "بابا مات"
أضافت الزوجة: ابني كان واعي على المشاكل اللي ابوه عملها وبقاله سنة مشفش ابوه فبيقول مات بعد ما كان بيحبه بس هو مش ذنبه ، الذنب ذنب أبوه اللي بقاله سنة ميعرفش حاجة عن عياله والعيال بقوا ميعرفهوش أصلا، هو دلوقتي موجود في الشقة اللي طردني منها بس مبيسألش علي أنا وأولاده ومفكرش يرجعنا ، ودلوقتي رافعة دعوى نفقة عشان أخد حق ولادي اللي أبوهم رماهم، ودلوقتي بيهددني أنه هيطردني من الشقة تاني عشان أنا رافعة دعوى تمكين.
تابع أحدث الأخبار عبر
