خاين وبجح.. نوال في دعوى طلاق: «كل شهر مع واحدة جديدة »
خاين وبجح هكذا وصفت "نوال" زوجها، وأكملت نوال حديثها لـ "موقع الحادثة"... فكنت أساير أموري ولا أفكر حتى في الانفصال من أجل حياتي وبناتي ، ولكن زاد الزوج في خياناته وبجاحته لدرجة وصلت أنه يتحدث مع السيدات في المنزل أمام بناتي، هنا قررت اللجوء لمحكمة الأسرة بعد ما فاض بها الكيل.
كل شهر مع واحدة جديدة
"زهقت من خياناته اللي ملهاش أول ولا أخر، من ساعة ما اتجوزته ، وأنا بعديله عشان خاطر العيال وعايشة ومكملة عادي وكل مرة أقول خلاص أخر مرة وربنا يهديه بس مفيش فايدة" ، بهذه الكلمات بدأت نوال حديثها وهي في غاية الانفعال، تابعت قائلة: "مكنتش أعرف إن عينه زايغة إلا لما اتجوزنا، كل شوية اقفشه مع واحدة جديدة، خناقاتنا كلها على خياناته اللي ملهاش أول ولا أخر، كل مرة يقول لي خلاص أخر مرة ميعديش شهر والاقيه بيكلم واحدة جديدة".
بيكلم الستات اللي بيخوني معاهم في البيت
خلافات سئمت منها نوال بسبب زوجها الخائن الذي لا يلتفت لشيء سوى خياناته المتكررة، تغاضت كثيرا عن الخيانات من أجل استمرار حياتها ولكن فاض بها الكيل عندما بدأ الزوج يتحدث مع عشيقاته أمام بناته، أضافت الزوجة: " ومفيش فايدة فيه وكل شويه يخوني، مش بس كدا ده كمان لما لقاني ساكته بقي يكلم الستات اللي يعرفها في البيت قدام بناتي وكل ما أقوله عيب كدا أحترم وجودي واحترم بناتي"، أضافت: "كلمته مرة واثنين وقلت له اعمل القرف دا برا وكلم اللي أنت عايزة برا البيت بلاش قدام البنات، بيتخانق معاديا لما بقوله كدا وبرضى يعمل اللي في دماغه ولا كأني بتكلم".
دعوى طلاق
تركت الزوجة المنزل عندما أدركت أنه لا جدوى من محاولاتها معه، أراد الزوج رجوعها للبيت ولكنها رفضت لأنها تعلم جيدًا أنه لا يحدث أي تغيير، تابعت نوال: "سبت البيت وهو حاول يرجعني كتير وأنا رفضت والمرة دي خلاص قررت إن مش هرجع تاني طالما مفيش أي حاجة بتتغير، حاول معايا كتير عشان أرجع بس أنا مش قادرة خلاص أعيش معاه يوم واحد كمان"، لجأت الزوجة لمحكمة الأسرة لرفع دعوى طلاق بعدما أدركت أنه الحل الأمثل لها.
تابع أحدث الأخبار عبر
