ياسمين في دعوتي نفقة وتمكين: جد العيال رماني في الشارع لما طلبت منه مصاريفهم
كانت خلافات الزوجة في البداية مع زوجها الذي عرف طريق المخدرات والإدمان خصوصًا "بودرة مكس" وجعلت حياتهما تتحول لتعاسة بسبب إنفاق الزوج كل الأموال على مزاجه دون مراعاة أولاده وزوجته، فلجأت الزوجة لرفع دعوى خلع على زوجها لتتخلص من هذه الحيا ة وبالفعل تخلصت منها ولكن يشاء القدر أن طليقها يتوفى بعد الانفصال بسنة واحدة وتتحول الخلافات مع أهله بسبب رفض الجد الإنفاق على حفيده وأخذ شقة الزوجية منها عنوةً وطردها هي وأولادها دون سؤال.
دعوتان تمكين ونفقة لجأت إليهم ياسمين لأخذ حق أولادها من جده الذي طردها من شقة الزوجية التي تركها الزوج لها فكانت هذه هي بداية المشكلات بينهما ورفض الجد حل الأمور وديًا ما أدى لـ اللجوء للمحاكم حتى تتمكن من أخذ حق أولادها.
خلعته عشان بقا مدمن
تابعت ياسمين: "حصلت مشاكل كتير بيني وبين جوزي من أول الجواز عشان بقا يشرب مخدرات، وبقا بيصرف كل الفلوس اللي معاه على الزفت اللي بيشربه وحاولت معاه مرة واتنين عشان يسيبه من اللي بيشربه دا ويركز مع عياله بس مش فايدة فيه وكان بيزيد مع الوقت".
أضافت: "جيت بعد 8 سنين من الجواز مبقتش قادرة استحمل العيشة ورفعت عليه قضية خلع وكسبتها، بس كان مات بعد سنة من الانفصال، ومن ساعتها بدأت المشاكل بيني وبين أبوه عشان مش راضي يصرف ولا جنيه على أحفاده وكل ما اجي أكلمه على الفلوس يقول لي مليش دعوة بيهم".
طردني من الشقة لما عرف إني رفعت قضية نفقة
حاولت ياسمين مع جد الأولاد أكثر من مرة بأنه ينفق على أحفاده ولكنه يرفض ويحاول التهرب من مسئوليتهم التي من المفترض أن يتحملها بعد وفاة ابنه، ما دفعها تلجأ للقضاء ورفع دعوى نفقة على جد الأولاد من أجل الإنفاق عليهم، ولكنها لا تعلم أن هذه بداية نار جديدة عليها.
أكملت ياسمين حديثها: "كلمته كذا مرة على فلوس للعيال بس كل مرة كان بيتهرب ويقول مليش دعوة بيهم، أخر ما زهقت ملقتش قدامي غير إني أرفع قضية نفقة عشان أعرف أخد منه أي حاجة، بس المشاكل زادت لأنه أول لما عرف إني رافعة قضية عليه جه طردني من الشقة بتاعتي أنا والعيال".
اختتمت قصتها: "فجأة لقتني في الشارع أنا والعيال ولما لقيت قلبه حجر، رفعت قضية تمكين عشان ارجع أقعد في شقتي أنا والعيال، ونفسي أجيب حق عيالي".
تابع أحدث الأخبار عبر
