وفاء للقاضي: «أهل طليقي راميين ضناهم وبيقولولي ملناش حد نسأل عليه»
تبدل حال تماما بعد وفاة طليقها حيث وجدت نفسها فريسة لقسوة أهل زوجها السابق وطمعهم ووصل الأمر إلى قطع نفقة ابنها التي كان يرسلها والده الراحل، لكن العم قرر حرمانه من حقه في تركة أبيه، كما رفض المساعدة في إنهاء أوراق مدرسة ابن أخيه رافضا الحضور إلى المحكمة ومساعدة الأم في دعوى ولاية تعليمية رفعتها منذ 7 شهور., لتدخل الأم وفاء في مأساة لا تنتهي.
«أهله مبيسألوش على عيالي» بهذه الكلمات استهلت وفاء حديثها، مؤكدة على حدوث كثير من المشكلات بينها وبين زوجها قبل الطلاق، أضافت: «قعدنا سبع سنين متجوزين وكان بيحصل مشاكل بينا كتير فقررت اتطلق وفعلَا اتطلقنا واتفقنا على مصاريف يبعتهالي كل شهر للولد، وقعد كل شهر يبعتلي ألف جنيه كانوا قليلين بس قلت كويس أحسن من مفيش، نزلت اشتغل عشان اكفي مصاريف ابني وكان مرتبي مع اللي طليقي كان بيدهوني كنت ممشية البيت وعارفة اصرف عليا أنا وابني».
تابعت: «طليقي تعب وتوفى بعد الطلاق بسنتين من ساعتها وأخوه منع المصاريف اللي كان طليقي بيدهالي للولد، سكت أول كام شهر قلت عندهم ظروف وميصحش اطلب منهم فلوس، لما لقيت مفيش أي حاجة ومفيش ولا جنيه بيصرفه كلمته وقولتله فين مصاريف ابني قالي احنا ملناش دعوة بيكي وملكيش حاجة عندنا».
أهل طليقي راميين ضناهم
غضبت الزوجة من تصرفات أهل طليقها وعدم سؤالهم على ضناهم ما دفعها للحديث معهم من أجل الحفاظ على معاملة ابنها بأهل والده، تابعت: حصل مشكلات بيني وبين عم الولد بسبب إنه مش بيبعت أي مصاريف بس أهلي قالولي ربي ابنك ومتعمليش مشاكل ومش مهم الفلوس، سمعت الكلام وقلت أهم حاجة ابني بس ولا مرة عمه سأل على ابني ولا بيزوره ولا يعرف عنه حاجة»، أضافت: «ابني سألني كذا مرة أهل بابا مبيشوفنيش ليه أنا معرفتش أرد عليه أقوله إيه، كلمت عمه عشان يشوفه قالي احنا ملناش حد نسأل عليه وبقى كل لما اكلمه ميردش عليا».
انهت وفاء حديثها: «في مدرسة ابني طلبوا مني ولاية تعليمية قولتلهم أبوه مات قالولي لازم حد من الدرجة الأولى كلمت عمه عشان يساعدني في الأوراق قالي وأنا مالي ومن ساعتها وأنا مش عارفة أخلص القضية وأخد الولاية التعليمية».
تابع أحدث الأخبار عبر
