ياسمين في دعوى تمكين: بخيل علينا بس .. وطردنا عشان يبيع الشقة
تلجأ السيدات لمحاكم الأسرة بعد ما يفيض بها الكيل من تصرفات الزوج، وتختلف أسباب كل سيدة عن الأخرى منهن تعاني مع زوجها من أجل الانفاق على أولاده، وأخرى بسبب ضربها وإهانتها، وأخرى بسبب تكاسل الزوج عن العمل وتحمل الزوجة كل أعباء المنزل، وتعد "هناء" من السيدات التي لجأت لرفع دعوى تمكين لشقة الزوجية بعد ما صمم الزوج على بيعها من أجل الحصول على الأموال فقط.
ياسمين في دعوى تمكين: طردنا عشان يبيع الشقة
"بخيل ومبيصرفش على عياله" هكذا بدأت ياسمين تروي قصتها، مضيفة: "اتخطبنا واتجوزنا خلال كام شهر عشان كنا بنحب بعض وكان معاملته كويسة معايا ومخرجناش كتير فترة الخطوبة حتى لما كنا بنخرج مكنتش بركز مين اللي دفع وهو موديني مكان غالي ولا رخيص عشان بشتغل ومستقلة ومبيفرقش معايا الماديات وكنت بحبه برضوا عشان كدا مكنتش بركز هو بيصرف إيه".
تابعت: "لما اتقفل علينا باب واحد بقا بدأ الاحظ إنه بيشد في المصاريف وكل ما أقوله عايزه فلوس عشان أجيب حاجات يديني مصاريف قليلة جدَا، بدأت الخناقات تزيد بينا بسبب المصاريف وإنه مش عايز يصرف"، مُكملة: "لما طلبت منه يسيب لي فلوس عشان أجيب أكل وحاجات للبيت يسيب لي 300 جنيه طول الأسبوع حاولت أخليه يزود المصاريف بس كل مر يقولي مش معايا فلوس، وهو ليل ونهار خروج وبيجيب لنفسه أحسن لبس ولو جيت أقوله العيال عايزه لبس يقولي مش معايا".
طرد عياله عشان يبيع الشقة
اتجهت الزوجة للعودة لعملها بعد الزواج عند ما اكتشفت بخل زوجها عليها هي وأولادها من أجل الحفاظ على عش الزوجية، أضافت: "لما لقيت الموضوع زاد وبيسيب لي ملاليم كل شهر نزلت اشتغل تاني عشان عيالي وعشان اجبلهم كل اللي هما عايزينه، بقيت أشارك في المصاريف وأقول مش مهم كله عشان عيالي"
تابعت: "بعد وفاة والده طرد احواته من بيت ابوه عشان يبيع البيت وياخد الورث ومفكرش في اخواته، بقيت اقلق علي عيالي منه عشان هو أهم حاجة عنده الفلوس"، أكملت: "اللي كنت خايفة منه حصل ولقيته في يوم جاي يقولي إحنا عايزين نبيع الشقة قولتله ليه قالي ملكيش دعوة أنا حر، قعدنا نتكلم كتير في الموضوع واتخانقنا والموضوع كبر بينا ولقيته مسكني أنا والعيال وطردني من الشقة عشان يبيعها".
انهت هناء حديثها قائلة: "روحت عند أهلي أنا وعيالي بقالي شهرين وأهله اتكلموا معاه إنه مينفعش يبيع الشقة عشان خاطر عياله بس هو برضوا مصمم إنه يبيعها، رفعت دعوى تمكين عشان اخد حق عيالي"، لا تزال القضية منظورة في المحكمة حتى الآن.
تابع أحدث الأخبار عبر
