أميرة في دعوى نفقة: مضيع فلوسه على الستات ومدفعش جنيه لبنته من ساعة ما اتولدت
6 سنوات كعب داير في محاكم الأسرة من أجل الحصول على جنيه واحد لابنتها الصغيرة حبيبة، التي لا تتخطى السنوات السبع من زوج سابق فقد إحساسه بالمسئولية، بعدما ظنته «أميرة» أنه العوض والسند الذي يقف بجانبها ولكنها ا تدري أنه سيكون سببا دائما لشقائها ودفعها لرفع دعوى نفقة من أجل الحصول على مصروفات لابنتها.
«مشافش بنته من ساعة ماتولدت» بهذه الكلمات بدأت أميرة تروي قصتها، مؤكدة على تحول الزوج منذ أول شهر في الزواج، تابعت: «كنت متجوزة قبل كدا ومعايا ولد وبنت وكنت قاعدة في حالي ولما اتقدم لي حسن قولت اتجوز وخلاص وألاقي راجل يربي عيالي معايا ويبقى سند مبقاش لوحدي»، أضافت: هو برضو كان متجوز وعنده عيال بس كانوا كبار مش زي عيالي صغيرين وقلت مش مشكلة هعتبرهم ولادي ومن ساعة ما تجوزت وأنا بعتبرهم زي ولادي وأكتر بس بنته الكبيرة مكنتش بتطيق لي كلمة معرفش ليه».
اكتشفت الزوجة أن الزوج بتاع ستات
بدأت المشكلات بين الزوجين من أول أسبوع في الزواج بسبب إدمان الزوج وضربه وإهانته للزوجة والأولاد، كانت تحاول التأقلم أو التغير ولكنها فشلت، أضافت: «في أول أسبوع لقيته بيشرب مخدرات في البيت اتخانقت معاه وكنت فاكراه مرة وخلاص لأن مكنتش بشوفه بيشرب أي حاجة في فترة الخطوبة، لقيت الموضوع بيزيد وبيشرب قدام العيال في البيت عادي، بقينا نتخانق كتير وسبت البيت كذا مرة في أول شهر بس هو ولا كان فارق معاه اللي زود المشاكل إني اكتشفت إنه بيعمل حاجات مش مظبوطة مع ستات كتير ومضيع فلوسه عليهم».
زادت الخلافات بين الزوجة وابنة زوجها بعد ما علمت بخبر حملها وأرادت إجهاضها ما جعلها تفكر جديًا في الانفصال والابتعاد عنه هو وأولاده، أضافت: «حملت في الشهر التاني من الجواز وبنته الكبيرة أول لما عرفت إني حامل ضربتني وكانت عايزة تسقطني، طلبت منه الطلاق في وقتها وكدبت على المأذون قلت له إني مش حامل عشان الطلاق يتم وفعلًا اتطلقت منه الحمدلله».
حاولت الزوجة التوصل للزوج بعد الانفصال للإنفاق على ابنته التي لا يعرف عنها أي شيء ولا حتى اسمها، ولكنه بعد ما علم أنها رفعت قضية نفقة بدأ يتنقل كل فترة من مكان لأخر حتى لا تتوصل له الزوجة ويدفع مصروفات ابنته، تابعت: «كلمته كتير عشان يجي يشوف بنته ويد فعلها مصاريف بس هو ولا فارق معاه،».. توجهت أميرة إلى محكمة الأسرة منذ 6 سنوات ورفعت دعوى نفقة بعد ما سئمت من الزوج، ولا تزال القضية منظورة في المحاكم.
تابع أحدث الأخبار عبر
