أخبار محكمة الأسرة
أغرب دعاوى الأسرة.. هيام بدعوى خلع: حبسني أنا والعيال لحد ما يرجع من الشغل
كان الخلع هو الطريق الذي قصدته هيام بعد ما تصاعدت والخلافات والمشكلات بينها وبين زوجها، الذي يقرر حبسها هي والأولاد كل يوم حين رجوعه من العمل.
حكايات محكمة الأسرة
"اتجنن وبقى واحد تاني ومش عارفة اتعامل معاه"، بهذه العبارة استهلت هيام حكايتها لقاضي محكمة الأسرة مضيفة أنها عانت مع زوجها بسبب أسلوبه القاسي معها في التعامل هي والأولاد وتحكمه المبالغ فيهم الذي نشب الكثير من الخلافات والمشكلات، تابعت قائلة: “قبل الجواز مكنش كدا خالص وكان كويس معايا بس بدأ يتغير في أول الجواز وبدأت اشوف حد تاني خالص معايا بسبب معاملته معايا اللي عايز يتحكم في كل حاجة ولو غمرت وقولت لا على حاجة هو عايزها ليلتي بتبقى سودا”.
قصص محكمة الأسرة
محاولات كثيرة من قبل الزوجة لاستمرار حياتهما ولكن تصرفاته وافعاله صعدت الأمور خصوصًا بعد ما منعها هي والأولاد النزول في الشارع، استكملت قصتها بقولها: “أسلوبه صعب أوي في التعامل معايا أنا والعيال، كنت بعديله في الأول كتير بس خلاص جبت أخري ومبقتش مستحملة حبسة البيت اللي حاططني فيها انا والعيال دي ومش عايز حد يتحرك من البيت ولا ننزل حتى الشارع، ولو عايزة حاجة هو بيجيبها معاه ومبيخلنيش انزل خالص”.
روايات محكمة الأسرة
بعد ما استمرت الأحوال بهذا النمط قررت قصد محكمة الأسرة ورفع دعوى خلع تتخلص بها من تحكم زوجها، اختتمت حكايتها قائلة: "تعبت معاها ومبقاش قادرة استحمل أعيش في السجن اللي هو عاملهولي اكتر من كدا، كلمت أهلي في يوم وجم كسروا الباب عليا ومشت أنا والعيال ورفعت عليه قضية خلع"، ولا تزال الدعوى منظورة حتى الآن.