أخبار محكمة الأسرة
نورا في دعوى طلاق: بيعلم عياله اللي في الحضانة الإدمان
من عجائب محكمة الأسرة دعوى طلاق تقدمت بها سيدة بعد 10 أعوام من المشاجرات الدائمة بسبب إدمان الزوج الذي كان السبب في خراب حياتهما التي حاولت نورا إصلاحها كثيرًا، ولكن فشل كل شيء بعدما اكتشفت محاولاته تعليم أولادهما الصغار الإدمان أثناء غيابها، فقررت بعد ذلك قصد محكمة الأسرة ورفع دعوى طلاق.
حكايات محكمة الأسرة.. فهمني إنه ملاك
"فهمني قبل الجواز إن مفيش منه اتنين وإنه بيعرف ربنا، بس طلع حاجة تانية خالص"، بهذه الكلمات بدأت حكايتها لقاضي محكمة الأسرة، مؤكدة أنها تعاني من زواجها بمدمن دمر حياتها الزوجية من البداية، وأضافت: "بعد ما اتجوزته لقيت حاجة تانية خالص غير اللي كان معايا قبل الجواز، لقيته مدمن، مع إنه كان مفهمني إنه ما يعرفش أي حاجة عن المخدرات والكلام ده، والحقيقة طلعت غير كده خالص".
قصص محكمة الأسرة.. طلع مدمن
حياة تعيسة عاشت فيها نورا حاولت بكل الطرق إصلاحها، ولكن كانت الأمور تزداد سوءًا، وتابعت روايتها قائلة: "تعبت معاه من بعد الجواز لما عرفت إنه مدمن وكمان كان بيشرب الحاجات دي قبل الجواز ومفهمني إنه ملاك بريء ما يعرفش أي حاجة عن الحاجات دي خالص"، واسترجعت الزوجة حياتها قبل الزواج مؤكدة أن أحلى الفترات كانت الخطوبة لما نعمت به من حب وتفاهم بينهما.
روايات محكمة الأسرة.. بيعلم عياله الإدمان
تصاعدت الخلافات بسبب إدمان الزوج الذي كان يتمادى مع مرور الوقت، خصوصًا بعد ما اكتشفت أنه يعلم أطفاله الصغار الإدمان أثناء غيابها من المنزل؛ لذا كان قرار الطلاق هو الأمثل لها؛ ما جعلها تقصد محكمة الأسرة، وتقيم الدعوى، وتختتم نورا قصتها بقولها: "كان عندى أمل إنه يتغير، لكن للأسف، ومش كفاية المخدرات ضيعته، لا عايز يضيع عيالي معاه، وعرفت إنه بيعلمهم إزاي يشربوا مخدرات وهما لسه في الحضانة، وشفته وهو بيشربهم السجاير".