أخبار محكمة الأسرة اليوم
محكمة الأسرة اليوم |وفاء: راميني في الشارع عشان يجيب ستات البيت.. وآمال: راح يجبلي ضره وهو فقير
ينشر «موقع الحادثة» ضمن نشرة أخبار محكمة الأسرة اليوم، أبرز القصص التي نشرت على مدار اليوم الثلاثاء، والتي تباينت بين زوجات وصل بهن الطريق إلى أعتاب محكمة الأسرة بحثا عن حقوقهن، أو أزواج لم يستطيعوا التأقلم مع زوجات لم يشفع لهن حسن المعيشة.
محكمة الأسرة اليوم.. مها: شايلة مسئوليته هو والعيال بقالي 12 سنة
زوج قرر التكاسل في المنزل دون أي مبررات، وقرر تخليه عن مسئولية زوجته وأولاده، على الأجانب الأخر كانت الزوجة هي المسئولة عن كل صغيرة وكبيرة في حياتها دون أي مجهود من زوجها، سلكت مها طريق القضاء بعد 12 عام على هذا الحال بعد ما تفاقمت المشكلات لذا وجدت نفسها غير قادرة على تحمل الاستمرار في هذه الحياة مع زوج لا يبالي، أنهت مها رواياتها قائلة: "استحملته كتير قلت يمكن يتغير بس مفيش فايدة فيه، لسة مكمل في الطريقة بتاعته دي من غير ولا شغلة ولا مشغلة مش فارق معاه العيال ولا مسئولية البيت، وكل حاجة عمالة تزيد عليا وأنا لوحدي مش لاقية حد اتسند عليه، عشان كدا رفعت قضية طلاق بقالي 3 شهور"، لا تزال الدعوى منظورة في المحكمة حتى الآن.
محكمة الأسرة اليوم.. وفاء: راميني في الشارع عشان يجيب ستات في البيت براحته
سنتان تحاول فيهم الزوجة التأقلم بكل الطرق على حياتها ولكن أسلوب الزوج وطريقته معها كانت السبب في تصاع الخلافات بينهما بطريقة لم تتحملها الزوجة، استكملت رواياتها وقالت: "كنت فاكرة إنه هيبقى العوض بعد فشل جوازتي الأولى بس كنت غلططانة ، يدوب شهر واحد واتفاجئت بيه خالص ومكنتش متوقعاه إنه هو يطلع كدا، حاولت اصبر معاه وأقول مش مشكلة عشان متطلق شتاني وصبرت معاه وجيت على نفسي بس السنتين دول بس اتعذبت فيهم بمعنى الكلمة معاه"، أنهت رواياتها قائلة: "أخرة ما صبرت معاه سنتتين على القرف دا، جيت اعترض ت على القرف اللي بيعمله بعد ما عرفت إنه بيجيب ستات البيت لقيته طردني في الشارع"، لم تصبر وفاء اكثر من ذلك لتلجأ إلى محكمة الأسرة وتقييم فيها دعوى طلاق
محكمة الأسرة اليوم.. أمال: وراح يجبلي ضره ومش معاه فلوس ياكلنا
صدمة كبيرة تلقتها الزوجة من الرجل الذي تحملت معه سنوات طويلة في حياة صعبة بسبب ظروف زوجها المادية دون طلب الطاق في أي سنة من السنوات، وضعت أمامها استقرار المنزل لذا تحملت فوق طاقتها لتسير الأمور، ولكن كانت مكافأتها زواجه من أخرى، قالت للقاضي: "مستحملة معاه ظروفه الصعبة وفي الأخر كلمة شكرا إنه يروح يتجوز عليا وكان مفهني إنه مش معاه فلوس والدنيا كانت صعبة معانا وأخر فترة زيادة عن العادي كمان، وطلع متجوز بفلوس عياله ولما قلت له طلقها قال لي لا مش هطلقها واللي عنك أعمليه"، أقامت دعوى خلع في محكمة الأسرة منذ 6 شهور ولا تزال الدعوى منظورة حتى الآن.
محكمة الأسرة اليوم.. هبه: مش عارفة يعني إيه مسئولية ومستخسر في عياله الجنيه
قصدت هبه محكمة الأسرة من أجل رفع دعوى نفقة بعد خلافات كثيرة بسبب استهتار الزوج وإصراره على عدم الإنفاق على زوجته وأولاده طوال 7 سنوات على الرغم من أنه قادر على تغطية كافة التكاليف إلا أنه استمر على هذا النمط لفترة طويلة، استكملت حكاياتها لقاضي محكمة الأسرة قائلة: "حاولت معاه كتير إنه يخلي باله من البيت والعيال وإنه يصرف على البيت زي بقية الناس بس مفيش فايدة فيه ولسة برضو مكمل في استهتاره بمسئولية العيال، لما لقيته مصمم رفعت قضية نفقة بقالي 7 شهور، ولا تزال الدعوى منظورة في المحكمة حتى الآن.
تابع أحدث الأخبار عبر
