أخبار محكمة الأسرة
«يوميتي 600 جنيه» .. سهير تطلب الطلاق: نزلني أشحت عشان أجيبله مصروفه
زواج رفضته الأهل ولكن سهير رأت فيه العض والسند الذي تحتمي فيه ما جعلها تقف أمام الأهل من أجل إتمام الزواج بأي طريقة، بعد الزواج بشهور قليلة تأكدت أن رأي أهلها هوالصواب وكان عليها الإصغاء إليهم، لما شاهدته من معاملة غربية وتصرفات جعلتها تلجأ إلى محكمة الأسرة.
قصص محكمة الأسرة.. أهلي مكنوش موافقين عليه
قصة حب نشب بعد انفصال سهير بسنتين وبدأت تتأكد أن هذا هو العوض الذي تريد لما شاهدته من معاملة وتصرفات جعلتها تحارب من أجل حبها، استهلت رواياتها للقاضي قائلة: "اتجوزت قبل كدا بس النصيب موفقناش واتطلقنا وبعد ما انفصلت اتعرفت على حسين وشوفت فيه إنه هو الراجل اللي نا بدور عليه ولما جه أتقدم أهلي موافقوش عليه وقالوا لي هيعذبك بلاش، بس أنا مكنش شايفة كدا وصممت إننا نتجوز، ويدوب اتجوزنا وكان كويس معايا أول شهر بس وبعد كدا لقيت واحد تاني غير اللي قبل الزواج".
حكايات محكمة الأسرة.. كلام أهلي كان صح
تأكدت أن نظرة أهلها له كانت صحيحة وأنها أصرت على القرار الخطأ وهذا جعلها تدفع الثمن بعد الزواج ف الشهور الأولى، وبدات المشكلات تتصاعد بينهما بسبب تغير الزوج الذي تفاجأت به، تستكمل سهير حكاياتها قائلة: "أنا كنت فاكرةإنه هو دا السند والعوض وإنه هو االلي هيعوضني عن حياتي الفاشلة اللي عشتها في جوازتي الأولى، بس كنت غلطانة عشان اتجوزت من هنا ولقيت واحد تاني خالص من هنا، ومعاملته معايا كلها قسوة".
محكمة الأسرة.. نزلي اشحت عشان اجيبله مصروفه
تفاقمت المشكلات والخلافات بسبب طلب الزوج نزولها في الشارع والعمل كشحاتة من أجل جلب مصروفات المنزل ومصروفاته الخاصة، تابعت سهير: "المشاكل كانت عمالة تزيد بينا بسب طريقته الغريبة معايا وأنا مش لاقيالها أي مبرر الصراحة، وبس كدا كمان لقيته بيقول لي انزلي اشحتي، كنت فاكراه بيهزر بس للأسف لقيته بيتكلم بجد ومصمم على الموضوع وقالي هتكسبي منه كتير، نزلت فعلًا وبقيت اكسب في اليوم 500 جنيه، أو 600 كمان فضلت على الحوار دا 3 شهور، وبدين مستحملتش سيبت البيت ورفعت قضية طلاق بقالي 3 شهور".