أسماء لـ محكمة الأسرة : أنا اللي جايبة الشقة وعايز يطردني منها
كانت محكمة الأسرة هي نهاية زواج «هند» من ابن خالتها التي ظنت عندما تزوجته أنه سيصونها بسبب القرابة بينهم ولكن مالم تتوقعه عند زواجها منه هو خيانته المستمرة لها حتى وصل لجارتهم ولم يقدر أي من تضحيات زوجته التي قدمتها مما دفعها للتوجه لمحكمة الأسرة حتى تنهي حياتها معه.
وثقت في ابن خالتي واتجوزنا وفي الأخر عايز يطردني من الشقة
قالت «أسماء» في بداية حديثها: «انا متجوزة ابن خالتي بقالي 9 سنين، وخلفت من جوزي ولدين، انا وهو قرايب بس خالتي متوفية من زمان انا واهلي مكناش نعرفه كويس بس وثقنا فيه وقلنا احنا اهل ويستحاله يعمل معايا حاجة وحشة ووثقنا فيه».
دعاوي محكمة الأسرة..يعرف عليا ستات تانية
أكملت «أسماء» حديثها وقالت: «بعد الجواز في الأول كان كويس وعادي زي أي راجل، بس من سنتين اتغير وبقى واحد تاني، بقى عصبي وبيزعق طول الوقت ومفيش حاجة عاجباه وبيتخانق معايا بسبب ومن غير سبب ومكنتش فاهمة متغير معايا ليه، لحد ما اكتشفت إنه يعرف عليا ستات تانية وعرفت لما فتشت في تليفونه عشان أعرف متغير ليه»
حكايات محكمة الأسرة.. وعدني يتعدل ويبقى أحسن
تابعت «أسماء» حديثها قائلة: «لقيت على تليفونه أرقام ستات كتيرة بيكلمهم وعلى علاقة بيهم ولما واجهته أنكر في الأول وبعد كدة اعترف على نفسه وقال مش هيكرر تاني وهيتعدل ويبقى أحسن وأنا صدقته إنه هيتعدل وقلت أصبر ومخربش بيتي وفعلا فضل فترة كويس مش بيعمل مشاكل ولا بيتعصب من غير سبب زي العادي وكنت اقتنعت خلاص إنه اتعدل وبقى كويس ».
قضايا محكمة الأسرة.. اتهجم عليا بعد ما طلبت الطلاق
أنهت «أسماء» حديثها قائلة: «لحد ما اكتشفت إنه لسه يعرف عليا ستات وقتها قررت مش هسامحه مهما عمل، وقتها عملت مشكلة كبيرة وخايت الأهالي اتدخلوا عشان يشوفوا حل معاه، ولما اشتكيت لأهلي وطلبت الطلاق اتجنن وبقى مش طايقني، اتهجم عليا في الشقة أنا والولاد وكان عايز يطردني منها وأنا أصلا اللي جايبة الشقة دي، لما حصلت المشاكل بيعتها وهو سابها ومشي ومعرفش حاجة عنه من ساعتها، ومحاولش يرجعني تاني ورافعة عليه قضية خلع بقالي شهرين عشان أخلص منه».