أخبار محكمة الأسرة اليوم
حكايات محكمة الأسرة .. نادية: أنا وأختي اترمينا في الشارع
تواجدت نادية وأختها فاطمة على أعتاب محكمة الأسرة يبحثن عن حقوقهن التي ضاعت بعد وفاة أزواجهن، فلم يقدر أهل الزوجين الصدمة التي تعيشها الأختين فطردوهن ولم يكن في قلبهم أي رحمة، تزوجت نادية من عريس تقدم لها فور انتهائها من الجامعة وتزوجت أختها أخو هذا العريس وكان أملهم أن يبنوا أسر هادئة مع أزواجهن، لم يعلموا أنهم سيضطرون في النهاية أن يتوجهوا لمحكمة الأسرة لرفع دعوى إعلام وراثة ليحصلوا على حقوقهن.
قصص محكمة الأسرة.. اتعرفت على جوزي في الجامعة
قالت «نادية» في بداية حديثها: «أنا اتجوزت من 2016 خلفت من جوزي بنت وولد، أنا وجوزي اتعرفنا على بعض في الجامعة واتقدملي أول ما اتخرجنا واتجوزنا بعدها بفترة قليلة، كان كويس جدا ومفيش منه مشاكل وحتى الخلافات بينا كانت العادية بس، هو كان بيشتغل ويصرف وأنا كنت قاعدة في البيت».
دعاوي محكمة الأسرة.. أخو جوزي أتجوز أختي
أكملت الزوجة حديثها: «وقت ما اتجوزت أخو جوزي شاف اختي وأعجب بيها واتجوزا كان بعد ما اتجوزنا بسنة تقريبا وخلفوا ولد واحد وكل حاجة كانت تمام وقتها، أهل جوزي بس كان في منهم مشاكل بس كانت العادية اللي تتحل عادي وكنت بكبر دماغي عنهم قلت مادام جوزي كويس يبقى خلاص».
قضايا محكمة الأسرة.. أجوازنا ماتوا في حادثة على الدائري
تابعت «نادية» كلامها: «لحد ما في يوم فجأة اجوازنا ماتوا في حادثة على الدائري، بقالهم أقل من سنة كانت صدمة علينا هما كانوا كويسين ومحترمين، جوزي كان مش مخليني محتاجة حاجة أنا والعيال وجوز أختي كان زيه، وقبل ما نفوق من الصدمة لقينا أهل اجوازنا عملوا حاجة متوقعنهاش».
حكايات محكمة الأسرة.. أهل اجوازنا طردونا في الشارع
أكملت «فاطمة» الحديث وقالت: «بعد وفاة اجوازنا أهلهم طردوا كل واحدة فينا من شقتها عشان كل واحدة فينا هي وعيالها كان ليها ورث غير بيتها اللي هي عايشة فيه واجوازنا سايبينه لينا، طردونا وخدوا كل حاجة وقالوا ملكوش حاجة عندنا وجينا المحكمة نرفع قضايا إعلام وراثة عشان حقنا وحق عيالنا اللي مبقاش ليهم غيرنا».