أخبار محكمة الأسرة
محكمة الأسرة .. هالة: مراته التانية لحست عقله بيصرف عليها وعلى عيالها ورامينا
أمام محكمة الأسرة تواجدت «هالة» وهي لازالت متفاجئة مما حدث معها في حياتها مع زوجها الذي جعل حياتها تتغير تماما بعد سنين العشرة فتزوج عليها زوجها وتركها هي وأولادها دون سؤال أو يصرف عليهم ما يحتاجوه وأصبح اهتمامه وأمواله كلهم على زوجته الجديدة وعلى أبنائها، وتخلى عن سنين العشره مع زوجته وكان سبب وصولها لهذه النهاية.
قصص محكمة الأسرة
بدأت «هالة» حديثها وقالت: «أنا متجوزة من 2008 وسايبه جوزي من 2019، جايبة منه 3 أولاد وجيت المحكمة عشان رفعت عليه قضية خلع، بسبب إنه مبيصرفش خالص عليا أنا والعيال هو مكنش كدة الأول كان كويس وراجل عادي ومفيش مشاكل وبيصرف عادي عليا أنا والعيال والدنيا كانت ماشية ومفيش مشاكل.»
حكايات محكمة الأسرة
تابعت الزوجة وأوضحت السبب الذي جعل زوجها يتوقف صرف أمواله عليها وعلى أولادها: «هو مبقاش يصرف علينا من ساعة ما اتجوز واحدة تانةي في 2017، أنا اللي عرفت لما شكيت فيه ودورت وراه هو معترفش إنه اتجوز، أنا معترضتش وقتها على جوازته التانية بس اعترضت على إنه مبقاش يصرف علي أنا والعيال، هو قبل ما يتجوز مكنش في بينا أي خلافات تخليه يتجوز كانت مشاكل زي أي بيت وبتعدي ونتصالح
دعاوي محكمة الأسرة
أكملت «هالة» حديثها وقالت: «كل مادى بقى ميصرفش علينا ولا بيسأل فينا خالص وبقى اهتمامه كله للبيت التاني، وأصلا اللي اتجوزها دي معاها ولاد وبيصرف عليهم ومبيصرفش على عياله وبيسيبنا من غير أكل أو شرب، ومهما حاولت معاه أنه يتعدل ويصرف مفيش فايدة معاه أبدا فضلنا على الوضع ده 7 سنين مبيصرفش علينا وكنت بتحمله واسكت عشان مخربش البيت والعيال متتبهدلش وانا مكنش ليا حد يقف معايا.»
قضايا محكمة الأسرة
أنهت «هالة» حديثها وقالت: «أخر ما زهقت منه خدت ولادي وسيبت البيت ورحت عند أهلي ورفعت عليه قضية خلع ونفقة، مبيصرفش من ساعة الطلاق خالص حتى بعد ما رفعت عليه القضايا، حاول يرجعني بعد ما سيبته بس أنا رفضت ارجعله مقدرش أعيش معاه بعد كل اللي حصل وارجع للبهدلة والبخل تاني، وهو كمان مش ناوي يطلقها.»