أخبار محكمة الأسرة
محكمة الأسرة .. هند: وثقت في ابن خالتي واتجوزته وكانت هى سبب طلاقي
على أبواب محكمة الأسرة تواجدت «هند» وهي تحمل الألم والحسرة عما شهدته من أقرب الناس في حياتها، عندما تقدم ابن خالة «هند» لخطبتها وثقت فيه وفي أخلاقه لأنه قريبها ولكن لم تظن أبدا أنها ستصل في النهاية لمحكمة الأسرة والسبب في وصولها لهذه النهاية خالتها التي كانت تعاملها مثل والدتها واتقت الله في علاقتها معها لكنها ظلمتها ولم تصونها هي أو ابنها.
قصص محكمة الأسرة
قالت «هند» التي كان كل خطأها في الحياة أنها وثقت في أقرب الناس لها في الحياة: «أنا اتجوزت ابن خالتي بقالي 15 سنة، خلفت منه اتنين، لما اتقدملي وافقت على طول لأنه كان مناسب وقلت هيصوني لأنه ابن خالتي، اتجوزنا في بيت عيلة والحياة كانت كويسة في الأول ومفيش مشاكل، وهو مكنش في مشاكل معاه لحد الأخر»
حكايات محكمة الأسرة
أكملت «هند» حديثها وقالت: «جوزي كان راجل كويس بيصرف عادي ومش مخلينا محتاجين حاجة، لكنه أهله كانوا سبب الإنفصال، أبوة وأمه اللي هي خالتي كانت بتبهدلني، كانوا بيبهدلوني وخالتي كانت بتشتمني في الطلعة والنزلة رغم إني كنت بخدمها وبعاملها زي ما تكون أمي، لكن هما بيعملوا معايا مشاكل طول الوقت وأنا بعدي عشان معملش مشكلة وأخرب البيت وأقول أهلي برضو، مكنش حد فيهم بيضربني بس الإهانة طول الوقت.»
دعاوي محكمة الأسرة
تابعت «هند»: «مكنش في مشاكل بينا طول ما أهله مش متدخلين بينا بس بعد كدة كان على طول في مشاكل، كل مادي كانت بتزيد لحد ما قلنا الإنفصال أحسن، كانت المشكلة الكبيرة بسبب إن أمه كانت عايزة تمسك هي مصروف البيت وتبقى مسؤولة عن كل حاجة في البيت ولما رفضت بهدلتني وشتمتني وطردتني من البيت ومرجعتش تاني.»
قضايا محكمة الأسرة
أنهت «هند» حديثها وقالت: «بعتي ورقة طلاقي بعد ما سيبت البيت بفترة، بعد الطلاق المشاكل مع أهله كانت بتزيد لحد ما بقو يتصلوا بيا يشتموني، حاولنا نرجع بعد ما سيبته لكن مفيش فايدة المشاكل معاهم مبتخلصش، لحد ما تعبت ويأست أننا نرجع لبعض تاني وخالتي بتبعتلي تقولي أنها بتدورله على عروسة دلوقتي، وجيت المحكمة أرفع قضية ولاية تعليمية عشان مدارس العيال.»