أخبار محكمة الأسرة
محكمة الأسرة.. نسمة: سافر بره ورجع شايف الحريم سوق للمتعة
تواجدت «نسمة» على أبواب محكمة الأسرة وعلى وجهها بأن الحسرة والألم على الوضع الذي وصلت له حياتها، فاستيقظت الزوجة في يوم من الأيام وتبدلت حياتها بسبب أفكار زوجها المتطرفة دينيًا التي جعلت الحياة معه مستحيلة وأوصلت الزوجة لهذه النهاية حتى تستطيع أن تحصل على حقوقها منه لتكمل حياتها.
قصص محكمة الأسرة
مثل العديد من الفتيات كان حلم «نسمة» بيت وأسرة وأطفال وحياة مستقرة لكن ما شهدته في الواقع كان غير ما تخيلت سيكون شكل حياتها، بدأت «نسمة» في رواية قصتها وقالت: «أنا اتجوزت من 8 سنين، كان جواز تقليدي، اتجوزنا بسرعة وهو كان بني آدم كويس وأول كام سنة جواز كان مفيش مشاكل وكانت الحياة طبيعية وماشية، خلفت منه بنت وكنت عايشة وبحمد ربنا».
حكاوي محكمة الأسرة
أكملت «نسمة» وهي مازالت متأثرة بما شهدته في حياتها مع زوجها:« بعد ٥ سنين جواز تقريبا، اتغير وبقى واحد تاني بقى عنده أفكار دينية متطرفة كتير، كان تعامله صعب جدًا بقى عكس الأول تمامًا وحاولت كتير ارده عن اللي هو فيه عشان البيت ميتخربش وعشان خاطر بنتنا بس هو كان بيصمم على اللي في دماغه.»
حوادث محكمة الأسرة
أضافت «نسمة» والدموع في عينيها: « فضل كذا سنة على الحال ده العيشة معاه كانت كل مادي بتبقى أصعب، بعد كده راح دبي وأتعامل مع ناس زيه وبيتعاملوا بنفس طريقته وليهم نفس الدماغ المتطرفة، أقنعوه إنه صح ووقتها غسلوا مخه ووهبوا ليه واحدة تكون زوجته من غير أي مقابل «تمتع»، معرفتش وقتها أعمل إيه أو اتصرف ازاي، بقى في مشاكل كتير بينا في آخر فترة بقى مبيسألش في أنا وبنته خالص».
قضايا محكمة الأسرة
أنهت «نسمة» حديثها: «لما لاقيت الحياة خلاص بقت صعبة ومش قادرة اتحمل ومبقاش في عشره بينا، طلبت الطلاق وهو رفض يطلقني سابني متعلقة سنتين وقاعده عند أهلي وفي الآخر طلقني غيابي، بعد ما طلقني من السنة اللي فاتت، جيت المحكمة أرفع عليه قضايا نفقة عدة ومتعة ومؤخر الصداق عشان اعرف أخد حقي أنا وبنتي منه».