«ميتعاشرش وأخرتها طلع مدمن».. علياء في دعوى خلع: مبيصرفش علينا وبيضربني
تزوجت «علياء» عن طريق المعارف واكتشفت بعد زواجها أن زوجها يتعاطى المخدرات، ومع الوقت تحول الزوج ولم يهمه عائلته أو زوجته بل اصبحت المخدرات اهتمامه الوحيد، وعندما وجدت «علياء» أنه لا يوجد مكان لها في حياة زوجها قررت تركه.
علياء في دعوى خلع: مبيصرفش علينا وبيضربني
"بقى واحد تاني معرفوش ضرب واهانة ومخدرات ومبيصرفش" بهذه الكلمات بدأت «علياء» رواية قصتها ومعاناتها مع زوجها المدمن، الذي فوق إدمانه رمى كل مسؤولية أطفالها وبيتها عليها وفي النهاية كان يضربها ويهينها وجعل الحياة معه مستحيلة، واضطرت «علياء» في النهاية أن تلجأ لمحكمة الأسرة كأمل أخير لها ولأولادها لتتخلص من زوجها الذي اصبح من المستحيل العيش معه.
غضبانة عند أهلي طول جوازنا
قالت«علياء»: اتجوزت عن طريق معارف كان محترم وكويس قبل الجواز وخلفت منه ولد وبنت، بعد الجواز فضل فترة كويس لحد بعد ما خلفت والمشاكل بدأت وكانت بتزيد مع الوقت، مشكلتي معاه إنه كان مبيصرفش وعلى طول يقول معهوش فلوس ومكنش في إيدي حاجة اعملها، طول السنين دي كنت على طول غضبانة عند أهلي, وهو كان بيرجعني على أساس يتغير ويبقى أحسن بس مفيش فايدة
حاولت أمشي الدنيا باللي بيدهوني
تابعت «علياء»: كان بيرميلي 300 جنيه كل فين وفين عشان اصرف منهم وطبعا كانوا مبيكفوش حاجة، بس كنت بحاول امشي الدنيا باللي بيدهوني سنين عشت معاه على الحال ده، لحد من قريب معاملته اتغيرت معايا وبقى عصبي وبيضربني كتير على أي حاجة، حاولت أعرف ماله بس كل لما أجي أكلمه يتخانق معايا ويضربني.
اقرأ أيضا
طلع مدمن مخدرات
أضافت الزوجة: لحد ما اكتشفت انه اتغير كدة بسبب المخدرات، كأن كل اللي متحملاه منه مكنش كفاية كمان بيزود عليا، اكتشفت إنه كان بيشرب مخدرات بقاله كتير وانا معرفش، حاولت اني اصلح حاله لكن طبعًا ملقتش منه غير الضرب، بقى بني ادم ميتعاشرش.
مبيسالش على عياله ولا بيشوفهم
أكملت «علياء»: لحد ما تبعت منه وسيبته ومن ساعتها مش عايز يطلق ودي عشان ميرحنيش وميدفعش ولا جنية، وفي الاخر رفعت قضية خلع أنا مش عايزة منه حاجة هو اصلا باع كل حاجة عشان المخدرات، واضطريت أنزل واشتغل عشان أصرف على عيالي، عشان هو مبيصرفش ولا بيسال