عامل فيها رشدي أباظة في فيلم عالم عيال.. سميرة بدعوى طلاق: عايز يتجوز واحدة عندها 10 أبناء
عاشت سميرة حياة تتمناها أي زوجة تكاد تكون مثالية للكثير لما تحمله من الاستقرار والسعادة مع زوج يرعاها هي والأولاد، انقلب كل شيء بعد 15 عام بعدما اكتشفت أنه على علاقة مع أخرى لديها 10 أولاد يتفق معها على مشروع زواج، حاولت أن تقنعه بأن يتراجع عن قراره ولكن وجدته أنه مصر على قراره ما دفعها تلجأ لـ محكمة الأسرة ورفع دعوى طلاق.
بنحب بعض من ثانوي
"بقا واحد تاني خالص".. " تستهل سميرة حديثها بهذه الكلمات مضيفة أنها تزوجت عن قصة حب كبيرة نشبت بينهما في المدرسة الثانوية، وتتابع للحادثة قصتها بالتفصيل: "كانت كل الناس بتحلف بقصتنا وبحبه لي، اتخطبنا واتجوزنا وهو كويس جدا معايا ولما خلفت برضوا كان بيعامل العيال أحسن معاملة ومبيخليش في نفسهم أي حاجة"، و"كانت كل الناس لما تشوفه بيعاملني ازاي وبيعامل العيال ازاي كانوا بيقعدوا يقولوا لي يا بختك ويحسدوني عليه من كتر معاملته الحلوة معانا، من أول الجواز وحياتنا زي الفل كدا بس معرفش إيه اللي حصل مرة واحدة".
بقاله فترة متغير معايا أنا والعيال
عاشت سميرة في هذه الحياة ما يقارب الخمسة عشرة عاما وحياتها هادئة مستقرة لا تعرف شيء عن المشكلات، ولكن بعد الـ 15 عام أصبحت حياته لا تمتلأ بأي شيء سوى المشكلات فقط بسب تغير الزوج المفاجئ لها بدون أي مبرر، تستكمل سميرة حديثها: "معاملته تغيرت معايا خالص كأنه واحد تاني، بقى يزعق ويشتم ويعامل الأولاد بطريقة زي الزفت وكل ما أجي أكلمه يقول لي مفيش حاجة ويقلبها خناقة كبيرة معايا أنا كمان"، أضافت: "حسيت إني فيه حاجة لما لقيت دا أسلوبه معانا طول الوقت، قلت أكيد في حاجة مخبيها مسكت موبايله وفتشته لقيته بيكلم واحدة ولما سألته مين دي قال لي عادي دي زميلتي مصدقتهوش ومسكت الموبايل تاني لقيت الكلام بينهم مش كلام زمايل خالص".
رايح يتجوز واحدة عندها 10 عيال
اكتشفت الزوجة أنه على علاقة مع السيدة التي يتحدث معها بالإضافة إلى مشروع زواج قادم بينهما، تابعت سميرة: "لما فتشت في الموبايل تاني عرفت إن الموضوع بينهم كبير مش زمايل وبس، وبيتفقوا على جواز، واللي عرفته إنها واحدة عندها 10 عيال كمان، ولما واجهته اتخانق معايا وقال لي أه هتجوزها غصب عنك"، تختتم الحديث قائلة: "كلمته وقلت له العيال حرام عليك بس هو كان مصمم، مقدرتش اكمل معاه وهو مصمم إنه يتجوز واحدة تانية وانا والعيال مش فارقين معاه في أي حاجة كدا، رفعت قضية طلاق بقالي 6 شهور ولسه ماشية في إجراءات القضية أهو".