«بيفصل الكهربا عشان يوفر».. صفاء في دعوى تمكين: "بيهددني بالطرد من البيت"
بخل غير طبيعي عاشته صفاء مع زوجها في عش الزوجية من بداية الزواج مع زوج لا يريد الإنفاق على زوجته واولاده لدرجة وصلت لفصل الكهرباء عنهم من أجل التوفير على الرغم من أنه ينفق على نفسه ويجلب لنفسه أغلى ماركات الموبايلات، فكانت صابرة على حالها من أجل أولادها ولكنه هددها اكثر من مرة أنه يطردها هي والأولاد في الشارع ما دفعها ترفع دعوى تمكين لتضمن حق أولادها.
من ساعة ما اتجوزته وهو مش عايز يصرف على البيت
لم تتحمل إهانته وبخله أكثر من 11 عام وقرررت اللجوء للقضاء ورفع دعوى تمكين حتى تتمكن من مسكن الزوجية لها هي وأولادها بعد ما ههده أكثر من مرة أنه يطردها هي والأولاد.
بدأت صفاء في رواية قصتها للقاضي، وقالت: "مكنتش أعرف إنه بخيل أوي كدا وإني هتعذب معاه أن والعيال بلطريقة دي، في الأول كنت بقحريص على الفلوس ومش عايز يصرف الفلوس في حاجات ملهاش لازمة بس مبقاش عايز يجبلنا حتى أكل دا غير إنه بقا بيمد إيده كتير علي".
تابعت: "خناقات كتير من أول الجوز بسبب إنه مش عايز يصرف ولا جنيه على البيت وحاولت معاه كتير، وهو برضو مش عايز يصرف، الجنيه بالنسباله أهم حاجة في الدنيا، حتى أهم من عياله".
بيسيبنا جعانين ويروح يصرف فلوسه على الايفونات
أضافت صفاء: "كان بيقول لي مش معيا فلوس ويروح عادي يشتري له ايفون جديد، بيصرف على نفسه عادي بس أنا وعيالي عادي مش مهم ناكل ولا منأكلش"، تابعت: "في كل خناقة الاقيه بيقول لي أنا هطردك انتي وعيالك، خفت فعلا إنه ممكن يطردني أنا والعيال في الشارع بس كنت بقول لا أكيد مش هيعمل كدا فيا أنا والعيال وهما مش هيهونوا عليه".
أكملت الزوجة حديثها: "عرفت بعد كدا إنه باع الشقة لخاله بعقد صوري عشان ميبقاش ليها حق في شقة الزوجية، أول لما عرفت رحت رفعت عليه قضية تمكين عشان حق العيال بقالي 3 شهور"، ولا تزال القضية منظورة في المحكمة حتى الآن.