«كان عايزني أسقطه».. لبنى في دعوى نفقة: "مجاش المستشفى يشوف ابنه عشان حق الولادة"
دعوى نفقة اضطرت لبنى لرفعها بسبب زوج انعدمت داخله كل الرحمة بسبب رفضه إنجاب زوجته لأي أطفال وعندما رزقهما الله اول طفل لهما كان يتعامل معه بكل جحود وتصاعدت المشكلات بينهما منذ إنجاب الطفل وتطرق الأمر للطلاق بسبب الخلافات الزائدة التي نشبت بينهما ومن بعدها رفض الأب صرف جنيهًا واحدًا على ابنه ما دفع الزوجة لرفع دعوى نفقة.
"معندهوش قلب ولا رحمة وبيعامل ابنه أسوأ معاملة عشان مكنش موافق على الخلفة وأول لما عرف إني حامل كان عايزني أسقط بس أنا مرضتش عشان خفت ربنا ميرزقنيش بعد كدا"، كانت هذه الكلمات التي بدأت بها لبنى حديثها مؤكدة على معاملة زوجها لابنه منذ ولادته معاملة كلها قسوة وجفاء، وحاولت معه أن يرقق قلبه على ابنه ولكنه مصمم على معاملته الجافة معه.
مجاش المستشفى عشان ميدفعش حق الولادة
أضافت لبنى: "بعد الجواز بكام شهر حملت وكان مضايق وعايزني اسقطه بس الحمل مكملش وكنت زعلانة وقلت انا مش ضامنة ربنا هيرزقنيتاني ولا لا، وبعد ما سقطت بكام شهر حملت تاني وكان عايزني أسقطه عشان هو مش عايز عيال خالص ومش عايز يتحمل أي مسئولية"
تابعت: "مسمعتش الكلام ومسقطش عشان أنا كنت عايزة أخلف بس المشاكل بينا زادت أوي بسبب الموضوع دا، وحتى لما خلفت أهلي هما اللي جم معايا المستشفى وهو مجاش عشان ميدفعش حق الولادة".
مش راضي يصرف عليه جنيه
حاولت الزوجة تهدئة الأوضاع وتجعله يحب ابنه ولكنه في كل مرة كانت تزداد المشكلات بينهما وبدأ الزوج يرفض الانفاق على الابن ما أدى لزيادة المشكلات بينهما حتى وصلت للطلاق، أكملت لبنى حديثها: "مش راضي يصرف عليه جنيه من ساعة ما خلفت وكل ما أقوله عايزة فلوس يقول لا مش هصرف عليه جنية، زادت المشاكل ومقدرتش استحمل واتطلقت ومن ساعة ما اتطلقت وهو مش راضي يصرف برضو، وأهلي كلموهع المصاريف رفضت برضو".
لجأت الزوجة لرفع دعوى نفقة بعد ما رفض الاب صرف مليمًا على ابنه، ولا تزال القضية منظورة في المحكمة حتى الآن.