هدى في دعوى طلاق: غضبت عند أمي يومين رجعت لقيته متجوز علي
دعوى طلاق كانت هي الأمل الأخير لـ "أية" بعد ما فشلت في المحافظة على أسرار بيتها بسبب زوجها الذي يحكي كل أسرارهما لأهله، ما أدى لنشوب المشكلات بينهما طوال الوقت بسبب تدخل والديه في حياتهما الشخصية التي أصبحت لا تمس الخصوصية بشيء، وصلت التدخل على أن والدته حرضته على الزواج من أخرى أثناء تركها المنزل بسبب خلافات بينها بين زوجها.
بيعرف أمه كل حاجة بتحصل بينا
سكنت المشكلات عش الزوجية من الشهور الأولى في الزواج بسبب تدخل الزوج الذي يزداد مع مرور الوقت، مؤكدة أنها حاولت المحافظة على حياتها الزوجية وخصوصيتها ولكنها فشلت في كل مرة، أضافت: "من ساعة ما اتجوزنا وهو عمره ما زعلني وكل اللي بطلبه بيعملهولي على طول وبيحبني أوي وأنا كمان بحبه، بس بعد كام شهر كدا بدأت الاحظ إن أمه بتعرف كل حاجة استغربت هي بتعرف كل الحاجات دي منين".
تابعت الزوجة: "كلمت جوزي وقلت له إنت بتقول لأمك على كل حاجة بينا ليه قال لي دي أمي وتعمل اللي هي عايزاه، حاولت أتكلم معاه غنه مينفعش إنها تعرف كل حاجة وكل مرة كان بياخدني على قد عقلي وفي الأخر بلاقيها عارفة كل حاجة برضو".
غيبت يومين رجعت لقيته اتجوز
بدأ تدخل والدته يتخطى كل الحدود ويتمادى بطريقة تجعل المشكلات تتصاعد بينهما لدرجة أنها حرضته على الزواج من أخرى في أثناء غيابها على المنزل ما دفعها لرفع دعوى طلاق على الفور، تابعت: "كل شوية أغضب وأسيب البيت بسبب أمه وتدخلاتها اللي مبتخلصش، وكل مرة بقعد شوية عند اهلي وبيرجعني تاني، بس أخر خناقة برضو بسببها ومشيت وسبت البيت وعرفت وأنا عند أهلي إنه اتجوز من المأذون اللي جوزهم كلمني وعرفني".
أضافت هدى: "مصدقتش وقلت أكيد واحد عامل فيا مقلب وروحت البيت اتأكد لقيته فعلاً اتجوز، معرفش لحق امتى وأنا كنت سايبة البيت بقالي يومين بس، رجعت تاني عند أهلي وقررت إني اتطلق، وطلبت منه الطلاق بس قالي أنا مش هطلق، رفعت دعوى طلاق ولسه الإجراءات ماشية"
تابع أحدث الأخبار عبر
