البلوجر سارة محمد تخرج عن صمتها: «كله بيستغلني ومحدش يبعتلي فلوس ومروحتش دار أيتام»
أثارت البلوجر سارة محمد الجدل في الساعات الماضية حول ايداعها في دار أيتام، وهو مانفته البلوجر، مؤكدة أنها تقيم في بيت عمها، وكانت تعاني من أرق نفسي خلال تلك الفترة، ما يمنعها من البقاء في مكان تعرضت فيه للظلم وفقدان إحدى عينيها نتيجة حادث مؤسف.
قالت سارة محمد خلال فيديو لها: «المكان بقى عاملي مشكلة نفسية وبقيت بصرخ بشكل يومي لأن ده نفس المكان اللي حصلت فيه الحادثة.. وكمان فيه الناس اللي أذتني نفسيا وتخلو عني في عز محنتي.. ».
وأضافت «كل يوم أصرخ وأقولهم.. الحقوا عيني.. موتوني.. لدرجة إن الموضوع تحول لفوبيا.. فقررت أبعد عن كل ده.. لكن مروحتش دار أيتام خالص.. ».
وتابعت البلوجر «محدش يبعتلي جنيه ومحدش يحاول يبعت فلوس لأي رقم لأنه بيتم استغلالي ماديًا، ومفيش جنيه بيوصلني من حد، ومش محتاجة تبرعات من حد، أنا لما أحتاج حاجة هطلع وهقول إني محتاجة، لكن أنا حاليا مش محتاجة حاجة ومفيش حاجة بتوصل لي».
ووجهت سارة حديثها إلى البلوجر عمر: «أنت شايفني مجنونة، في ناس كتير بتحاول تطلعني مجنونة، لكن أنا هنا عشان أشارك معاكم فرحي وحزني اطمنكم عليا وعلى علاجي، وأنا بكامل قوايا العقلية، وأنا عارفة انكم تقدروا تحموني».
حالة سارة محمد الصحية
أكد الأطباء المتبنيين لحالة البلوجر سارة أن الإصابات بالغة وأدت إلى تجمع دموي ونزيف بالمخ وفقدان البصر في إحدى عينيها نتيجة تدمر أنسجة العين وكل هذه الإصابات بسبب دخول زجاج السيارة وشظايا إطلاق النار في عينها، وقد خضعت البلوجر سارة لعدة عمليات جراحية في المخ والعين وستستكمل عمليات أخرى في وقت لاحق و مازال حادث فقدان البلوجر سارة محمد للبصر من إحدى عينيها تثير جدلاً واسعاً على مواقع التواصل الاجتماعي.
وتعاطف الآلاف مع البلوجر سارة محمد، خصوصا بعد ما تداول عن خطيبها الأقاويل أنه قد تخلى عنها ولم يسأل عنها بعد إصابتها بالعمى الجزئي، مما دفعه للتحدث بعد مشاجرات دارت بينه وبين عائلتها انتهت بالاتهامات الموجهة له، وقد قام بالإعلان مؤخرا عن عدم تخليه عنها وأنه سيتمسك بها، وأشارت أصابع الإتهام لأهلها بأنهم كانوا يحاولون التفريق بينهما.
اقرا ايضا :بعد مقابلته.. الدكتور جمال شعبان: محمد رمضان بيعمل خير كتير في السر
تابع أحدث الأخبار عبر
