مباراة الأهلي وبيراميدز في كأس السوبر المصري
دش ساقع.. عمرو الدردير عن كأس السوبر: بيراميدز لديه مدرب جبان وحارس ضعيف
مباراة الأهلي وبيراميدز في كأس السوبر.. نشر الناقد الرياضى عمرو الدردير، مدير تحرير جريدة الأهرام، والمحلل بقناة أون تايم سبورت وقناة الزمالك على حسابه بموقع التغريدات تويتر جملة أشعلت السوشيال ضده، وهي:
بيراميدز عنده مشكلتين قبل مواجهة الأهلي في السوبر ، مدرب جبان وحارس ضعيف !
بيراميدز غفّلونا.. السوشيال الأبيض: مرتضي منصور اتورط فى الانسحاب من السوبر المصري
ولقيت جملته ردود فعل عنيفة، منها:
طيب وانتو يا استاذ عمر مشكلكم إيه؟ صباح الخير.
وطي هات تيشيرت بيراميدز
مفيش عندهم مشكله هما قالوا أن كهربا هرب منهم في 2019 راحوا هما هاربين منه في 2023
تصدق يعنى كدا هييجى عليهم غرامة هما كمان
وانت كان معاك البروف العالمي والحارس العالمي عواد...وشيلتوا ٣ مع الرأفة
ملحوظة : الحكم كان أجنبي.
الأهلي هايص والزمالك لايص.. الأحمر فى المطار والأبيض فى ميت عقبة.. من ينتصر فى أزمة السوبر؟
وأهداه أحد رواد تويتر فيديو كتب عليه: آخر ماتش سوبر قدام فريقك.. اتفرج ومتع عيونك
بصراحة وجهة نظرك لا تحترم لأنك منحاز ولأنها موجهة لصالح فريق ضد فريق ومقصودة وغير مهنية ولا مرة نطقت الحق وتعبر عن مشاعر دفينة وغل وغيظ من النادي الأهلي المصري العالمي الناجح لو أنت مرة واحدة بس في العمر نطقت الحق كنت أحترم وجهة نظر سعادتك إلا أنك تشتغل في كيد النساء
نسيت اهم مشكلة وهي مشكلة كل فريق يواجهه الاهلي طبعا الراعي الرسمي
وانت ملكش فيه وفكرنى اللى زيك لعب كوره امتى عشان يطلع علينا يفتى كل شويه ولا عشان بواب العماره تتكلم براحتك
جبان؟ يعني ممكن ينسحب؟
ولا يخصنا
واحنا مالنا؟
الاسيوطي ليس عنده ما يخشاه في السوبر المصري . الموضوع كله استثمار يا أ.عمرو بمعني أنه حيتغلب بس حيكسب نص مليون دولار . هو شارك علشان يعوض خسائره فقط لا غير
غفلكم تغفيله القرن طيب دي مشاكل بيراميدز علشان كدا خسر من الاهلي
احكيلنا مشاكلك ايه لما بتخسر
بس بيراميدز باشتراكه اداكم مقلب حرامية ..خلى بقى الاسد اللى من ورق بتاعك يمشى ورا نيدو والغندور
الزمالك كان عنده مشكلتين قبل مواجهة الاهلى هرب خوف من هزيمه بفضيحه وخايف من كهربا يحطه صح تانى🤣🤣🤣🥱 دى مش وجهة نظر دى الحقيقه👌🏻
المدرب الجبان والحارس الضعيف خرجوكم من الكاس
خلعتوا من السوبر بكره نتقابل في الدوري ولا هتعتذروا برضو
هههههههههههه أحسن من فريق كله خايف .
هو في أصلًا حد محترم يقول علي مدرب جبان
ما تخليك في حصالتك انت مش انسحبت ...
كان نفسي اشوف الزمالك في الملعب بس هايروح فين مصر كلها اوضه وصاله
ماتش الدوري هنخلص فيه الجديد والقديم
يافريق الإنسحاب العالمي الدولي البيبي
فريقك لعب مع الاهلي زي بيراميدز بالظبط و خسرت بنفس الثلاثه صفر برضه بالرغم ان مدربك هو البروف اعظم من درب الكره على سطح الارض و حارس مرماك هو من تنادي بأن يكون الحارس الاول للمنتخب ، يا عمرو مشكله بيراميدز نفس مشكله الزمالك ان اللاعيبه متواضعه معندهاش طموح و عاوزين فلوس بس
طب ماروحتش ليه برئيس اسد
مش ده كان مدرب الزمالك قبل بيراميدز 🤣🤣🤣
كنت اقدر اقول عليه جبان لما كان الموسيقار راضي عنه
استاذ عمرو ياريت كباية الشاي في ايدك تقعد أمام الشاشه تشجع بيراميدز بهدوء وبلاش صداع الله يصلح حالك
ما كان الحارس رقم 1عندكوووو وكنتوا بتقولوا احسن حارس
ومدربكم الجديد العظيم فين
وانت خوفت تلعب لحسن تتكهرب تاني صح
ما هو واخدهم من فرقة اضعف
طب ما تيجى مكانه
انت بقي عارف مشكلتكم ولا نجبلك كهرباء يعرفك
وجهة نظر جرجيريه
واللي انسحب ايه مشاكله
مفيش اجبن من فرقة تنسحب كل ما تخاف
ماتخليك في الحصالة
دخلك ايه؟
وكومبارس انسحب
هو انت مش اعتذرت اسكت
خليك في ناديك
والأهم كومبارس للحفاظ ع الشكل العام لاتحاد الخواجات
مالكش فيه!
سخن اوي ياباشا
سبحان الله والاتنين خريجى مدرستكم
لكن لو كان رفض المشاركه.. كنت هتقول علي :
باتشيكو (أنشيلوتي) و الشناوي (مارتينيز)
أنا مش عارف مين ضحك عليك و قالك إتكلم في الكوره.. أو إدخل في مجال الرياضه أصلا.
انت مش ملاحق تشجع مين والا مين الهلال السوداني والا الرجاء والا الترجي والا بيراميدز الاهلي تعبك معاه معلش استحمل
اتلهي
بتعيط ليه دلوقتي؟
والزمالك اللي متداس عليه من الاهلي عنده ايه ياترة ؟؟
اذا اكلتك المجنونة فأعصر عليها ليمونه
انتو بردو عندكم مشكله أن الفريق بمجلس الاداره جبان
احسن من اللى مرحش من اساسه
مش المدرب ده كان المنقذ الهمام صاحب الرؤيه ال جهنميه
ملكش فيه بقي خليك في بليله وانسحابها احنا عايزين المدرب ده والحارس ده علشان ندلعهم ونشخلعهم بالتلاته ياابوتلاته
وانت هربت ليه؟ خايف تشيل الطين؟
انت بتقول رأيك ليه اصلا… :))) انت المفروض مقموس وغضبان ومظلوم وكده… اسكت بدل ما المستشار يعرف وانت عارف ومجرب زعله.
طيب يا هزاز يا اخويا الحارس الضعيف ده دخل فيه كام هدف من الاهلي اخر ماتشين ؟ و حارسكم وحش المجرة محمد عداد دخل فيه كام هدف من الأهلي أخر ماتشين ؟ الاجابة عشرة اهداف مناصفة بين الحارس الضعيف و حارس مرماكم العملاق.
ياباشا اهو اسمه هيحاول ينافس علي البطوله بالمدرب الجبان والحارس الضعيف
واكيد دا افضل من نادي برئيسه بجماهيره خافوا يتمسح بيهم ارض الملعب في الامارات ويتحط عليهم بسكور كبير ونتيجة كبيره هتكون للاهلي فانسحبوا باي حجج والسلام 🤫🤫
بزمتك مين الجبان يا حاج درديري!!؟؟
موعد مباراة الأهلي وبيراميدز في كأس السوبر
وكان فريق الزمالك أعلن اعتذاره عن المشاركة في بطولة كأس السوبر المصري في الوقت الضائع بعد أن استعدت بعثته فعليا للسفر إلى الإمارات، ثم فوجئ الجميع بالقرار العشوائي بالاعتذار؛ ليحل بيراميدز مكان القلعة البيضاء؛ بوصفه وصيف الدوري والكأس المصريين، حيث تقام مباراة الأهلي وبيراميدز في كأس السوبر المصري الجمعة 5 مايو التى يستضيفها ملعب ستاد محمد بن زايد بالإمارات العربية في تمام الساعة الثامنة والنصف مساء بتوقيت القاهرة.
تابع أحدث الأخبار عبر
