والدة ضحية مستشفى تبارك: "ابني داخل ماشي على رجله وخرج جثة"
أمرت النيابة العامة باستدعاء أطباء مستشفى تبارك بالقاهرة الجديدة لسماع اقوالهم في الاتهام الموجة إليهم بالتسبب في وفاة طفل بسبب الإهمال الطبي، وطلبت تحريات المباحث حول الواقعة وظروفها وملابساتها.
وفاة طفل بسبب الإهمال الطبي في مستشفى تبارك بالقاهرة
ومن جانبها قالت والدة الطفل ضحية الإهمال الطبي بمستشفى تبارك "ذهبت بابني محمود ٥ سنين يوم السبت بتاريخ ٢٤/٨/٢٠٢٤ الساعة ٢ صباحا بسبب الحرارة لشكواة من التهاب في اللوز ابني داخل ماشي على رجله وكويس، دخلت المستشفى علقوا له المحاليل لتخفيض درجة الحرارة، والدكتور عديم الضمير وصف حقنة مضاد حيوي الممرض عمل اختبار الحساسية وقال للدكتور ايديه احمرت حاجة بسيطة وقاله نصا اديله الحقنة في نفس اللحظة اللي اخد الحقنة ابني قالي بطني بتوجعني".
وأصافت "وفي لحظة رجع من فمه ريم ابيض وجسمه ووشه ارزق وراح مني وقع في لحظة، وراح الدكتور عديم الضمير بيقولي احنا عالجناه حسبي الله ونعم الوكيل قتل طفل في لحظة خرجوني برا وقالوا هنعمل اللازم قلبه وقف في لحظة قالوا عملنا انعاش للقلب ودخل غيبوبة، المستشفى بتتستر على جريمتها وقالوا ننقله مستشفى سيد جلال علشان تخلي مسئوليتها من قتل ابني وانا وافقت على امل واحد في المليون انه يرجعلي لكن انا عارفة انه راح خلاص، واخدوا مني الروشتة اللي فيها اسم الدكتور واسم العلاج اللي اخده ابني علشان يخفوا جريمتهم قتلوا ابني القتله المجرمين حسبي الله ونعم الوكيل".
وتابعت "ذهبت اليوم ٢٨ اغسطس اسال على اسم الطبيب مديرة المستشفى عديمه الضمير قالتلي نصا منعرفش مين الدكتور منعرفش حد وانتو استلمتوه سليم ومستشفى سيد جلال افادتكم انه مات بسكته قلبية وبتتستر على مجرم حاولت اعرف اسمه لكن موافقتش تقولي على اي معلومه عنه ولا على الممرض لكني عارفاهم وكل واحد شارك في موت ابني ربنا هيجيبلي حقه منهم حسبي الله ونعم الوكيل حسبي الله ونعم الوكيل مستشفى تبارك قتلوا ابني محمود ومش هسيب حقه يروح أبدا".
تم تحرير المحضر اللازم، وأمرت النيابة بتشريح الجثة لمعرفة أسباب الوفاة واستعجال تحريات المباحث حول الواقعة
تابع أحدث الأخبار عبر
