أخبار محكمة الأسرة
«عينه زايغة».. أسماء تطلب الطلاق: كان بيمشي حاطط رأسه في الأرض
قصدت أسماء محكمة الأسرة لرفع دعوى طلاق في السنة الثانية من الزواج فقط بعد مشكلات وخلافات كثيرة بينهما بسبب شعورها بأنها ليس لها أي أهمية أو تقدير لوجودها، وكان هذا السبب وراء قصدها محكمة الأسرة ورفع دعوى طلاق.
روايات محكمة الأسرة
"عينه زايغة وكل ما نروح أي مكان الاقيه حاطط عنيه على الستات اللي فيه"، بهذه العبارة استهلت «أسماء» حكايتها لقاضي محكمة الأسرة مؤكدة انها اكتشفت فيه داء "المعاكسة" بعد الزواج وكان هذا سبب كافة المشكلات والخلافات بينهما، التي حاولت التغاضي عنها ولكن تصرفاته جعلت الأمور تتعقد أكثر وأكثر.
قصص محكمة الأسرة.. عينه زايغة
بدأت اميمة تفكر في الانفصال وطلب الطلاق من زوجها بعد ما تصاعدت الخلافات بسبب معاكساته اللانهائية، تستكمل روايتها لقاضي محكمة الأسرة قائلة: "قبل الجواز مكنش يعرف حاجة عن المعاكسات والكلام دا وكان محترم جدًا وبيبص في الأرض وهو ماشي معرفش إيه اللي حصل بعد الجواز وهو اتغير ليه واية اللي غيره أصلاً، أول خروجة لينا لقيته بيبص على واحدة قلت اكيد مش قصده، بس لما لقيت الموضوع بيتكرر كتير بدأت الخناقات تكتر من هنا لإنه بقى يكررها ولا كأنه عامل أي اعتبار ليا"
روايات محكمة الأسرة.. مش عاملي اعتبار
تفاقمت الخلافات وجعلتها تقرر قصد محكمة الأسرة من أجل إقامة دعوى طلاق، اختتمت حكايتها: "نبهته مرة واتنين وتلاتة بس هو برضو بيعمل كدا كل مرة بنخرج فيها وأي مكان بنروح لازم يقضيها معاكسات مع كل البنات، ولا كأني موجودة، وطالما هو بيعمل كدا قدامي يبقى بيعمل إيه من ورايا، مقدرتش استحمل أكمل معاه وهو مش فارق معاه وجودي أصلا"، قررت قص محكمة الأسرة من أجل رفع دعوى طلاق.
تابع أحدث الأخبار عبر
