أخبار محكمة الأسرة
مها تطلب الخلع بسبب حماتها: "ممشياني على العجين ملغبطهوش"
كانت المشكلة الأساسية التي تعانيها مها منذ بداية الزواج هي تدخل أهل زوجها في حياتهما بطريقة مبالغ فيها، وبالرغم من محاولاتها ورغبتها في الحفاظ على المنزل إلا أنها فقدت السيطرة والتأقلم على هذا الوضع، لذا كان الطلاق هو الطريق الذي رأته الزوجة ينقذها من حياتها التعيسة.
حكايات محكمة الأسرة.. “مكنتش عايزة اتجوز في بيت عيلة”
بدأت الزوجة حكايتها للقاضي بقولها: "مكنتش عايزة اتجوز في بيت عيلة عشان عارفة المشاكل اللي بتحصل بسببه، ومكنتش موافقة في الأول بس كنت شايفة أمه طيبة معايا قبل الجواز وبتعاملني كويس جدًا قلت خلاص يبقى هتعاملني كويس بعد الجواز ومش هيبقى في بيننا أي مشاكل"، لكن الواقع اختلف تمامًا ووجدت حياة مليئة بالمشكلات منذ الشهر الأول.
قصص محكمة الأسرة
مشكلات ومشاجرات تغاضت عنها مها من أجل استمرار الحياة، ولكن حماتها خربت عليها سعادتها بسبب تعاملاتها القاسية معها ورغبتها في السيطرة على كل شيء، استكملت الزوجة روايتها بقولها: “من أول شهر وأمه عايزة تتحكم في كل حاجة، وعايزاني أقعد ساكتة من غير أي كلام وكل ما أجي اتكلم تهزقني قدام جوزي وهو مبيعملش أي حاجة ولا بيفكر يقولها أي حاجة خالص”.
روايات محكمة الأسرة
تصاعدت الخلافات بسبب استمرار حماتها على الأسلوب ذاته، التي جعلها تفكر في الفرار من هذه الحياة، وتابعت المدعية قائلة: “حماتي قوية ومحترمة ومش سايباني في حالي وطول الوقت أنا مش عجباها خالص، ومهما أعمل برضه مش عجباها ورغم إني بسمع كلامها في كل حاجة بس برضو مش عجباها أي حاجة برضو، وجوزي مبيعملش أي حاجة وسايبها تعمل اللي هي عايزاه، جبت أخري ومقدرتش أستحمل أكتر من كدا وطلبت منه الطلاق”.
