أخبار محكمة الأسرة
«مكملتش شهرين في شقتي».. هبة بدعوى طلاق: أهله ضربوني وطردوني بقميص النوم
دعوى طلاق قصدتها هبة في محكمة الأسرة في العام الأول من زواجها بعد مشكلات وخلفات نشبت بينها وبين أهل زوجها انتهت بطردها في الشارع بملابسها الداخلية، لتقرر بعد ذلك قصد محكمة الأسرة ورفع دعوى طلاق.
حكايات محكمة الأسرة
استهلت الزوجة حكايتها لقاضي محكمة الأسرة بقولها: "كان مفهمني إن أهله ملايكة وبيحبوني جدًا ومش هيعملوا أي حاجة تضايقني بعد الجواز بس اللي حصل بعد كدا ملهوش علاقة باللي كان قايله"، تابعت رواياتها مضيفة أن المشكلات دقت شقة الزوجية منذ اليوم الأول بسب أهل الزوج الذين كانوا سبب في كل الخلافات والمشكلات بينهما.
روايات محكمة الأسرة
تصاعدت الخلافات بين هبة وأهل الزوج الذين كانوا سبب تعاستها في الحياة، وقررت إنقاذ حياتها من خلال دعوى طلاق أقامتها في محكمة الأسرة، تستكمل باقي روايتها قائلة: "أهله عاملين معايا مشاكل من أول الجواز ليل ونهار من غير ما أعمل أي حاجة، وكل شوية يطلعوا الشقة يتخانقوا معايا، كلمت جوزي مرة واتنين وهو يقوللي لا دا بيحبوكي ومكنش بيصدق اللي هما بيعملوه لأنهم كانوا بيتخانقوا معايا وه مش موجود وقدامه يعملوا نفسهم ملايكة".
قصص محكمة الأسرة.. أهله طردوني بقميص النوم
تطرق الأمر إلى إهانتها وضربها دون أي داعي علاوة على طردها من شقة الزوجية بالملابس الداخلية، أنهت حكايتها لقاضي محكمة الأسرة قائلة: "تاني شهر في الجواز لقيت أمه وأخواته داخلين عليا وبيضربوني من غير ما أعمل أي حاجة وكمان طردوني في الشارع بقميص النوم، تاني يوم رحت محكمة الأسرة ورفعت قضية طلاق".
تابع أحدث الأخبار عبر
