أخبار محكمة الأسرة
سهام في دعوى خلع أمام محكمة الأسرة: عنده انفصام وكل يوم بشخصية
كان الخلع هو الوسيلة الأخيرة التي قصدتها سهام بعد معاناة دامت لأكثر من 8 سنوات مع زوج يتغير مزاجه كل يوم، وكان هذا السبب الرئيسي في تفاقم الخلافات بينهما، لتقرر بعد ذلك إقامة دعوى خلع.
حكايات محكمة الأسرة.. مجنني من ساعة ما اتجوزته
"مجنني من ساعة ما تجوزنا وكل يوم بشخصية غير اليوم اللي قبله، لحد ما تعبت معاه وما بقيتش عارفة أعمل له إيه"، كانت هذه الكلمات الأولى التي استهلت بها سهام حكايتها لقاضي محكمة الأسرة مضيفة: "ما كنتش أعرف إنه هيبقى مجنون أوي كده، كان بيتعامل معايا عادي قبل الخطوبة، بس أول ما اتجوزنا لقيت واحد تاني في المعاملة خالص، وكل يوم بحال وشخصية جديدة، يوم يحبني ويوم لا، يوم يبقى حنين عليا ويوم تاني لا".
قصص محكمة الأسرة.. عنده انفصام في الشخصية
استمرت سهام في هذه الحياة لأكثر من 8 سنوات على أمل التغير، ولكن في الحقيقة الزوج كان يتمادى في معاملته غير المفهومة معها؛ ما جعل المشكلات تتفاقم بينهما، وتستكمل الزوجة باقي حديثها: "ما بقيتش فاهماله حاجة، دا غير إنه بيتأثر باللي حواليه أوي، ولو شاف أي حد بيعمل أي حاجة مع مراته ييجي يعملها معايا وما لهوش دعوة حلوة ولا وحشة، المهم يقلد وخلاص، لو شاف واحد صاحبه ضرب مراته ييجي يضربني من غير ما حتى يفكر ده صح ولا غلط".
روايات محكمة الأسرة
لم تتحمل الزوجة الاستمرار في الحياة الزوجية بهذا الشكل؛ ما جعلها تطلب الطلاق، ولكنه رفض؛ لذا كانت محكمة الأسرة هي الحل الأخير لها، واختتمت روايتها قائلة: "تعبت معاه وما بقيتش مستحملة الانفصام اللي عنده ده، وآخر ما زهقت طلبت منه الطلاق، بس هو رفض، رحت رفعت عليه قضية خلع عشان أخلص من الحياة دي، ومش عايزة منه أي حاجة، رفعت القضية بقالي 5 شهور"، ولا تزال الدعوى منظورة حتى الآن.
تابع أحدث الأخبار عبر
