عاوزه ادلع نفسي
صرفت فلوس البيت على الكوافير.. مريم تطلب الطلاق من زوجها البخيل
طرقت مريم أبواب محكمة الأسرة بعد 5 سنوات من الزواج، بعد تصاعد الخلافات مع زوجها بسبب ذهابها للكوافير وإنفاقها المصروف الشهري، ضربها الزوج ورأت أن محكمة الأسرة هي الحل المثالي في هذا الموقف لها وقررت إقامة دعوى طلاق.
حكايات محكمة الأسرة.. اكتشفت إنه بخيل
تستهل الزوجة حكاياتها للقاضي مؤكدة أنها تغاضت في البداية عن مشكلات كثيرة من أجل استمرار الحياة ولكن تفاقمت الخلافات بينهما وكانت محكمة الأسرة في النهاية هي الحل، تابعت: من ساعة ما اتجوزنا واحنا بينا مشاكل كتير بسبب الفلوس وكل ما أصرف أي جنيه يقعد يحقق معايا ويقول صرفيته في ايه، وكل مشاكلنا بسبب بخله اللي مش عارفة اتعامل معاه دا".
قصص محكمة الأسرة
تفاقمت المشكلات بسبب المصروف الشهري الذي رغبت مريم في زيادته كثيرًا ولكن لم يصغي لها ما جعل الخلافات تتفاقم بينهما.
وتستكمل الزوجة باقي رواياتها قائلة: "مصروف الشهر مبيكفيش أي حاجة، وكل ما اكلمه عشان يزود المصروف يقول لي هو دا اللي عندي، وحاولت كتير امشي نفسي بالفلوس اللي بيسيبها بس مبعرفش، وكل ما أطلب منه يزود المصروف يقول لي لا".
حكايات محكمة الأسرة.. ضربني عشان روحت للكوافير
استمرت المشكلات في التفاقم بينهما، حتى جاءت القشة التي قسمت ظهر البعير.. بعد ما ذهبت مريم للكوافير من أجل إسعاد نفسها، فوجئت بردة فعل الزوج غير المتوقعة بالمرة.
حيث قالت لقاضي محكمة الأسرة: جيت في يوم قررت أروح للكوافير ومكنش معايا غير الفلوس اللي سبها لي بتاعة الشهر، وقررت أروح بيهم الكوافير عشان كلمته قبل كدا كتير وقلت له أنا عايزة اروح الكوافير قال لي لا، ورحت فعلا وصرفت كل فلوس الشهر عشان زهقت منه ومن بخله، وبعد ما رجعت وعرف إني كنت عند الكوافير وكل الفلوس خلصت ضربني، المشاكل بينا كترت أوي وأنا مبقتش قادرة استحمل اكمل معاه، لما طلبت منه الطلاق رفض عشان كدا رفعت عليه قضية طلاق بقالي سنة، عشان أخلص من بخله المفتري.
تابع أحدث الأخبار عبر
