لميس الحديدي تكشف دور هيكل في مقاومة السرطان طوال 10 سنوات (فيديو)
كشفت الإعلامية لميس الحديدي تفاصيل صادمة عن إصابتها بمرض السرطان، وأنها مصابة بهذا المرض منذ 10 سنوات.
لميس الحديدي: لهذا السبب أخفيت إصابتي بمرض السرطان
وأوضحت لميس الحديدي في لقائها ببرنامج "منا وفينا"، المذاع بقناة "المشهد"، وتقدمه الإعلامية هبة حيدري أنها أخفت إصابتها بالسرطان "لأن مش لازم الناس تعرف، المرض جالي من 10 سنين تقريبا، والوجع يخصني، وباخاف حد يقول باتاجر بحاجة.. الوجع يخصني، وأنا أخفيته عن ابني لحد لما كبر؛ لأنه كان وقتها في ثانوي".
مرض لميس الحديدي بالسرطان
وأضافت: "أنا عندي زرار جوايا اسمه زرار الدليت، بادوس على أي حاجة باحب أنساها، ولو حد ضايقني بعد سنة بانسى وأسامحه ومش بافتكر هو عمل معايا إيه، هو زرار مسح ونسيان بيعمل جوايا تسامح؛ لأني لو معملتش مسح للوجع مش هاكمل".
إصابة لميس الحديدي بالسرطان
وتابعت: "لما عرفت إني مريضة بالسرطان قلت كابوس وهيعدي، والحمد لله لو ربنا أعطاني نعمة في حياتي غير ابني فهو أخد بإيدي، واللي وقف معايا في فترة المرض أمي وعمرو أديب وأصحابي وعائلتي القريبين أوي. ما حدش كان يعرف".
لميس الحديدي تكشف كواليس دعم هيكل لها
وقال لميس الحديدي من بين دموعها: "أنا مش باحب اتكلم عن إصابتي بمرض السرطان؛ لأني بقول أنا مين، أنا ما باحبش أحسس حد بهمي؛ لأن الناس عندها مشاكلها وحكاياتها. أنا فجأة لقيت نفسي في دايرة مرعبة".
مشيرة بقولها "أمي كانت بتدعي لي وعمرو أديب وأصحابي وأولاد عمي كانوا بييجوا جلسة الكيماوي بيعلموا ليا حفلة وانا في عالم تاني، وفي اليوم التاني كنت أروح اسجل مع الأستاذ محمد حسنين هيكل وهو كان عارف بمرضي؛ لأن هو اللي جاب لي الدكتور وأسرته كانت زي عيلتي.
وأكدت أن "أستاذ هيكل كان أبويا التاني في فترة وهو اللي سندني، ولما كنت باقع يمسك إيدي، ويقول لي: يلا هتبقى كويسة وهنسجل الحلقات بتاعتنا، وما غبتش ولا يوم عن حلقاتي، وهي دي الطاقة اللي كانت جوايا، عملت معاه 26 لقاء، هي أطول لقاءات قدمها الأستاذ هيكل في عمره كله من 2012 إلى 2015 حتى توفاه الله".
لميس الحديدي وعمرو أديب
وكشفت عن علاقتها بعمرو أديب، وقالت إنه كان كلمة السر في نجاحها، فقد كانت لا تعرف ماذا تريد، وهو وضعها على أول الطريق صديقا
لميس الحديدي تكشف عن الدرس المستفاد من إصابتها بالسرطان
واختتمت الإعلامية الحديدية بقولها:"أهم درس اتعلمته خلال إصابتي بالسرطان إن كل ست لازم تعمل كشف دوري، واللى حماني وربنا أنقذني إني اكتشفت المرض بدري، وكنت باعمل فحص عادي، وده درس اتعلمته".
تابع أحدث الأخبار عبر
