أخبار محكمة الأسرة
رحاب في دعوى طلاق: كل ما اجيب خدامة عينه تزوغ عليها
دعوى طلاق استغاثت بها شيماء بعد خيانات ونزوات الزوج التي تحملتها على أمل صلاح الحال والالتفات إلى حياته وأولاده، ولكن كان الوضع يتمادى، خصوصًا مع الخدامات اللاتي تجلبهن الزوجة للبيت، ما جعلها تفكر في الانفصال من خلال دعوى طلاق تقيمها في محكمة الأسرة بعد 8 سنوات من الزواج.
قصص محكمة الأسرة.. من ساعة ما عرفته وهو بيخونني
كانت الخيانة هي السبب الرئيسي وراء قصدها محكمة الأسرة والمطالبة بالطلاق بعد 8 سنوات من النزوات اللانهائية مع زوج لا يعرف في حيات شيئا سوى الخيانة دون الالتفات إلى حياته وأولاده الثلاثة. بدأت شيماء حكايتها لقاضي محكمة الأسرة بقولها: "خانني قبل الجواز كتير بس أنا كنت بعدي وكنت بقول أكيد بعد الجواز هيتغير، بس للأسف الموضوع زاد وبقيت كل شوية أقفشه بيخونني، وكل المشاكل اللي بينا بسبب الخيانة وأنا مش عارفة أحل الموضوع ازاي"
روايات محكمة الأسرة.. عينه بتزوغ على الخدامات
تمادت الخلافات والمشكلات بسبب خيانات الزوج التي تفاقمت مع مرور الوقت، وأضافت: "بدأت أقفشه بيخونني بعد كام شهر من الجواز، وأنا كنت بقول مسيره يتغير ويركز مع بيت وعياله، بس كان الموضوع بيزيد وهو مش فارق معاه أي حاجة خالص، وبدأ يبقى كل خياناته مع الخدامات اللي بجيبهم في البيت، ومتكملش شهر وألاقيه مقضيها نظرات وابتسامات معاها ليل ونهار، وبقيت أمشي كل واحدة بعد شهرين، مبقاش يعيش لي خدامة بسببه".
عجائب محكمة الأسرة
بعد ما تمادت الخيانات لم تتحمل الزوجة أكثر من ذلك؛ ما جعلها تقصد محكمة الأسرة لطلب الطلاق، واختتمت روايتها للقاضي قائلة: "خلاص جبت آخري معاه، وأنا مش عارفة اتعامل معاه وهو لسه ماشي في الطريق بتاعه ده من غير ما ياخد باله من عياله التلاتة ولا حتي أنا فارقة معاه في أي حاجة خالص، مش راضي يتعدل وكل محاولاتي معاه فشلت؛ عشان كده سبت البيت ورفعت قضية طلاق بقالي 4 شهور"، ولا تزال الدعوى منظورة في محكمة الأسرة.
تابع أحدث الأخبار عبر
