«بتهمه بقتله ومفيش شبهة جنائية».. شقيق ضحية الدهس من عصام صاصا يروي الحادث
يواصل «موقع الحادثة» نشر تحقيقات النيابة في واقعة دهس مطرب المهرجانات عصام صاصا لسائق أعلى الطريق الدئري.
شقيق ضحية الدهس من مطرب المهرجانات عصام صاصا يروي الحادث
وقال جمال مفتاح أحمد محروس، ٣٤سنة سائق، شقيق المتوفي : «اللي حصل أن أخويا جمعة رن عليا و بيقولى روح على قسم الطالبية عشان في حد كلمني من موبايل أحمد بيقولنا اطلعوا على هناك فأنا قلت لأخويا جمعة روح أنت على القسم وأنا هحصلك ولما راح لقيتة بيكلمنى بيقولى تعالى مستشفى الهرم عشان أخويا أحمد هناك فأنا طلعت على مستشفى الهرم وهناك عرفت إن أخويا اتوفي في حادثة على الدائري».
وتابع : «عرفت أن أخويا مات على الساعة 9 الصبح ، وأول معرف روحت على المستشفى بعد مكالمة أخويا ، وعرفت هناك أنه كان بيعدي الطريق وصدمته عربية وأخويا كان شغال في شركة ريتش باك و هو سواق فيها».
وبسؤاله عن مقر عمل شقيقه قال في 6 أكتوبر بمنطقة أبو رواش، وأنه معتاد السير من الطريق محل الواقعة موضحًا : «كان بيركب من الفيوم و ينزل عند طلعة السياحي عشان يركب حاجة يروح مكان الشغل، ومواعيد عمله مش واحدة على حسب المنطقة اللى هيوزع فيها الشغل بس هو المفروض يبقى هناك من ٥:٣٠ صباحاً ویخلص حوالي الساعة 3 العصر، وبيشتغل كل أيام الأسبوع ماعدا يوم الجمعة وساعات بينزل كمان الجمعة، وكان لوحده وقت الحادث متوجها للعمل، واتهم مرتكب الواقعة بقتله لكن مفيش شبهة جنائية».
تابع أحدث الأخبار عبر
