أخبار محكمة الأسرة
«عنده هوس السرقة».. سحر تطلب الخلع: إيده طويلة وفاضحني في كل حتة
دعوى خلع قصدتها «سحر» في محكمة الأسرة من أجل التخلص من حياتها الزوجية التي أصبحت مليئة بالمشاجرات بعد اكتشافها داء السرقة لدى زوجها.
حكايات محكمة الأسرة.. فاضحني في كل حتة
"فاضحني في كل حتة"، بهذه العبارة بدأت سحر حكاياتها للقاضي مبررة وجودها في محكمة الأسرة من أجل رفع دعوى خلع، تابعت: "قبل ما نتجوز كان عادي ومكنتش اعرف ان إيده طويلة، ومن بعد الجواز بفترة قليلة واحنا كل ما نروح عند حد ألاقيهم بيكلموني تاني يوم يكلموني يسألوني على حاجات ضايعة من عندهم في نفس اليوم اللي احنا كنا فيه عندهم".
قصص محكمة الأسرة.. مكنتش مصدقة إنه يطلع حرامي في الآخر
في البداية ظنت أن الأمر مجرد صدفة ولكن مع تكرار المواقف تأكدت أن هناك شيء غير مفهوم، بدأت تلاحظ تصرفات الزوج جيدًا للتأكد من الشكوك المحاطة بها قائلة: "لما كان حد بيكلمني يسألني على حاجة ضايعة كنت بقول عادي صدفة أكيد بس لما لقيت الموضوع بيتكرر كتير بدأت اشك في جوزي، ولما بدأت أركز لقيت إن في حاجات برضو بتختفي من البيت ولما أجي أسأله يقول لي مش عارف".
روايات محكمة الأسرة.. إيده طلعت طويلة
استكملت سحر حكاياتها بقولها: "بدأت احط حاجات معينة في أماكن معينه عشان أشوفها هتختفي ولا لأ، وفعلًا عملت كدا وكل شكوكي بقت حقيقة وفعلا طلع هو اللي بيسرق الحاجات من عند الناس، كلمته في الموضوع دا وحاولت اخليه يروح عند دكتور بس هو رفض وقال لي خلاص مش هعمل كدا تاني، وصدقته بس كل ما نروح عند حد الموقف يتكرر تاني مع ناس كتير، مبقتش عارفة اودي وشي من الناس فين الصراحة بسبب عمايله دي، وهو مش محتاج يعمل كدا أصلا"، عندما استمر الزوج على هذا الحال قررت اللجوء إلى محكمة الأسرة من أجل رفع دعوى خلع.
تابع أحدث الأخبار عبر
