أخبار محكمة الأسرة
«مفيش في قاموسه يصرف».. منى بدعوى نفقة: كل ما أطلب فلوس يتهرب
بدعوى نفقة قررت منى محاولة الحصول على حقها من زوجها المستهتر عن طريق محكمة الأسرة بعد ما فشلت كل الطرق الودية معه لإصلاح كافة المشكلات والخلافات بينهما.
قصص محكمة الأسرة.. بيتحجج حجج فارغة عشان ميصرفش
بدأت منى حكاياتها للقاضي بقولها: "مش راضي يصرف علينا انا والعيال وكل ما أجي أطلب منه مصاريف يتحجج حجج فارغة عشان ميسيبليش مصاريف"، أكملت باقي رواياتها مؤكدة أنها حاولت التغاضي عن مشكلات مثيرة من أجل استقرار منزلها ولكنه إصراره عل عدم الإنفاق كان السبب في تفاقم المشاجرات بينهما.
حكايات محكمة الأسرة
استمر الزوج على الأسلوب ذاته لفترة طويلة ما جعل المشكلات تنشب بينهما وأدى لتدخل الأهل بينهما لحل المشكلات، استكملت باقي تفاصيل حكاياتها قائلة: "بقاله كتير على الحال دا، حصلت مشاكل بينا كتير بس هو لسه زي ما هو ومش فارق معاه، أهلي وأهله اتخلوا بينا كتير عشان يحلوا المشاكل اللي بينا بس هو برضو لسه زي ما هو مفيش أي حاجة بتتغير، حججه كل ما أجي أطلب منه فلوس مبتخلصش مرة عنده ظروف في الشغل، مرة أنا كنت مستلف فلوس من واحد صاحبي ومرة أنا مسلف حد فلوس ومش معايا".
دعاوي محكمة الأسرة.. منى بدعوى نفقة
عندما تفاقمت حجج الزوج من أجل عدم الإنفاق على المنزل قررت قصد محكمة الأسرة ورفع دعوى نفقة بعد ما فقدت الأمل، تتختم منى حكاياتها قائلة: "زهقت منه ومن حججه اللي مبتخلصش دي، مفيش حاجة جيبة معاه نتيجة وهو مش راضي يفكر في العيال ويصرف عليهم ولا معتبر نفسه أب والعيال دول ملزمين منه حتى، سبت له البيت ورفعت عليه قضية نفقة بقالي 7 شهور"، ولا تزال الدعوى منظور في محكمة الأسرة حتى الآن.
تابع أحدث الأخبار عبر
