«دماء تحت عجلات المشاهير».. عباس أبو الحسن وصاصا في الكلابش.. ايه الحكاية؟!|فيديو
«واضح إن حوادث العربيات للفنانين واخدة سلسلة مبتخلصش، لسا مفتش كام يوم على حادثة عصام صاصا ودهسه لواحد على الدائري، عشان نروح للفنان عباس أبو الحسن، اللي خبط بعربيته اتنين ستات في منطقة الشيخ زايد وهو في طريقه لميدان لبنان».. ايه الحكاية؟!
دماء تحت عجلات المشاهير
الفنان عباس أبو الحسن، قال إنه حاول يتفاداهم هما الاتنين بعد ما اتفاجئ بيهم قصاده بيعدوا الطريق السريع جنب مول هايبر وان، لما هو كان لسا خارج من المحور..
وقال عباس أبو الحسن إنه بعد الحادثة: «نزل من عربيته وحاول يساعدهم هما الاتنين ونقلهم بسرعة عالمستشفى، اللي كشفت في الآخر انهم إتصابوا بكسور في مناطق مختلفة في جسمهم، واحدة منهم عندها اشتباه كسر في الترقوة وعضم الحوض والجمجمة والانف، وجرح قطعي في الوش والفم، وارتجاج في المخ، ودا الى جانب إصابة الفنان نفسه بإصابات خفيفة ».
الأجهزة الأمنية أمرت بالتحفظ على الفنان، واتخاذ كل الإجراءات القانونية ضده، والتحفظ كمان على عربيته وفحصها امنياً.. والنهاردة، اتأمر بإخلاء سبيل الفنان عباس أبو الحسن بكفالة مالية 10 آلاف جنيه. شاهد الفيديو هنا
تابع أحدث الأخبار عبر
