أخبار محكمة الأسرة
«حماتي قنبلة ذرية».. هدى تطلب الطلاق: حطاني في دماغها وبتغير مني
لجأت هدى إلى محكمة الأسرة من أجل رفع دعوى طلاق في السنة العاشرة من الزواج بعد معاناتها مع والدة زوجها التي تريد التحكم في كل شيء يخصها مهما كانت علاوة على غيرتها المفرطة التي تسبب في الكثير من المشكلات.
حكايات محكمة الأسرة.. حياتنا كانت كويسة من قبل ما أمه تدخل فيها
بعد سنوات من الخلافات مع أهل الزوج قررت هدى اللجوء إلى محكمة الأسرة بسبب التحكمات الزائدة، استهلت رواياتها للقاضي مؤكدة أن حياتها نعمت بالاستقرار لمدة 5 سنوات من قبل تدخل والدة الزوج في أمور حياتها الخاصة، مضيفة: "أول خمس سنين كنا عايشين في حالنا من غير أي مشاكل بس من ساعة ما امه بدأت تتدخل بينا وهي حياتنا باظت، بقت عايزة تتحكم في كل حاجة في حياتنا سوء تخصها أو لا".
قصص محكمة الأسرة.. أمه بتغير عليه مني
تغاضت كثيرًا عن تدخلات والدتها حتى تتجنب المشكلات ولكن مازالت الخلاقات والمشاجرات بينهما في استمرار بسبب تحكمات حماتها وغيرتها المبالغ فيها، تستكمل الزوجة باقي تفاصيل قصتها: “عديت كتير لأمه عشان معملش مشاكل بس هي برضة لسه بتدخل في حياتنا بشكل كبير ومش راضية تسيبنا في حالنا، وكل ما نيجي نعمل أي حاجة في بيتنا أو لعيالنا لازم تعترض عليها وخلاص”.
تابعت: "مش بس كانت بتدخل بينا لا ا كانت بتغير عليه مني وكل ما نبقى قاعدين في أي مكان عايزاه يبقى قاعد معاها هي مش معايا، ولو شافته قاعد معايا بتيجي تاخده من جنبي أنا والعيال".
دعاوي محكمة الأسرة.. هدى في دعوى طلاق
خرجت الأمور عن سيطرة هدى بسبب تمادي حماتها في غيرتها ما أدت لتفاقم الخلافات والمشاجرات التي تطرقت إلى محكمة السرة من خلال دعوى طلاق أقامتها بسبب رفض الزوج تطليقها بشكل ودي، أنهت حكاياتها قائلة: "كل المشاكل اللي بتحصل بسبب أمه، ومفيش حاجة بتتغير وهو مش شايف إن في مشكلة، لما لقيته هو مش شايف إن في مشكلة طلبت منه الطلاق، بس ورفض عشان كدا رفعت قضية طلاق بقالي 7 شهور"، ولا تزال الدعوى منظورة حتى الآن في المحكمة.
تابع أحدث الأخبار عبر
