أخبار محكمة الأسرة
«ماشي في الحرام».. سحر: قفشته كتير بيخوني ومش هقدر أعدي إنه يجيبهم البيت
دعوى طلاق أقامتها الزوجة بعد معاناة في عش الزوجية مع رجل خائن طريق اتخاذ هذا الطريق دون اعتبار لبيته وأولاده، وبعد ما تفاقمت الخلافات بسبب تطور الأوضاع قررت اللجوء إلى محكمة الأسرة .
حكايات محكمة الأسرة.. كل شوية أقفشه مع واحدة
"قفشته كتير بيخوني بس اللي مش هقدر أعديه إنه يجيب ستات البيت"، كانت هذه الكلمات التي اختارتها الزوجة لتبدأ بها حكاياتها مع الرجل الذي كان السبب في خراب حياتهما الزوجية بعد ما نعمت باستقرار تام في حياتها، ولكن سريعًا ما تبدلت الأوضاع وتبدلت معها الاستقرار لمشكلات وخلافات مستمرة، تابعت: "كل الناس كانو بتحسدنا على حياتنا عشان كان راجل محترم مش حارمني من حاجة خالص ومعاملتك معايا زي الفل بس فجأة كل دا اتغير في لمح البصر بسبب الستات اللي كل شوية اقفشه معاهم"
قصص محكمة الأسرة.. ماشي في الحرام
تفاقمت الخلافات بينهما رويدًا رويدًا بسبب خيانات الزوج التي كانت تتمادى، تابعت: “حياته كلها ستات وياريت خيانات عادية على الفيس بوك وخلاص بس دا بقا ماشي في الحرام، وبيعمل حاجات تغضب ربنا، وكل ما أجل أكلمه يقول لي أنا حر اعمل اللي أنا عايزه وانتي ملكيش دعوة بيا، أهلي اتدخلوا كتير عشان يوقفوا المهزلة اللي بتحصل دي بس هو برضو مبيتغيرش، ومش فارق معاه ولا بيت ولا عيال وماشي في الحرام زي ما هو”.
روايات محكمة الأسرة..
بعد ما تمادت الأوضاع وتطورت للخيانة داخل المنزل قررت الزوجة قصد محكمة الأسرة ورفع دعوى طلاق، أنهت سحر حكاياتها قائلة: "كنت بصبر وأعدى عشان كان بيعمل القرف دا برا البيت مش جوا، إنما لما الحال يوصل إنه يجيب الستات دي البيت يبقى لازم أتدخل وأقول لا للي بيحصل دا، مش فارق معاه عياله يشوفوه وهو بيخون أمهم عادي"، أصرت الزوجة على دعوى طلاق في محكمة الأسرة
تابع أحدث الأخبار عبر
