نجل شهيد لقمة العيش بجبال العياط يكشف تفاصيل الجريمة

كشف نجل الموظف المقتول، على يد لصوص بجبال العياط، لسرقة سيارته، تقاصيل الجريمة البشعة.

قال الشاب: “ياجماعة أنا والدي موظف في مدينة الإنتاج الإعلامي، وعنده تاكسي خاص بيه، تالت يوم رمضان بعد الفطار الساعة ٨ ونص طلع يشتغل ساعتين قبل السحور، عشان يجيب أكل عيشه وعيش عياله، الساعة ١١ كلمناه قال شوية وجاي، بعدها كلمناه لقينا تليفونه مقفول لحد الساعة 2 مجاش، وهو كان عنده شغل الصبح وهيبات في شغله، لحد تاني يوم”.

وأضاف “ لفيت مستشفيات مصر وأقسام مصر، ملوش أي أثر، وجالي معلومات إن الخط بتاعه قبل ما يتقفل كان في الفيوم، روحت قسم المطرية التابع لينا، عشان أعمل محضر قالك لازم يعدي ٢٤ ساعة علي غيابه، وقعدت مع رئيس المباحث بتاع المطرية، وقالي عملت إشاره نشرة، وإن شاء الله هنلاقيه هو والعربية، وقالي عدي عليا بعد الفطار، روحت قبل الفطار لقيت المديرية عندنا، وبيحققوا معانا، وياخدوا مننا معلومات عن الموضوع، بعد الفطار، روحت الفيوم علي مكان اللوكيشن اللي اتبعتلي ملقتش حاجة، رئيس مباحث المطرية، قال لأهلي روحوا قسم العياط رئيس المباحث، مستنيكوا هناك في أخبار حلوة، باذن الله، أروح هناك آلالقي إن في ناس، طلعت علي أبويا، قتلوه ورموه في الجبل في العياط وسرقوه، وبعد كده بعديها بيومين، عرفت إن هما لاقوا العيال”.

وتابع عبر منشور على صفحته الشخصية بـ"فيس بوك": "عرفت إن العيال اتقبض عليهم في  المنيا، ومحدش كلمنا قالنا إن هما لاقوهم، أنا عايز حق أبويا منهم، عايز القصاص بتاع ربنا عايز حقي، وحق إخواااااتي منهم، حق الراجل اللي كان طالع يجيب لقمة عيشه وعيش عياله، اللي حارب على أكل عيشه حقه لازم ييجي، لازم أخد القصاص والعدل بتاع ربنا منهم سااااعدووووني بالله عليكم"  

بدورها، نجحت الأجهزة الأمنية بمديرية أمن الجيزة برئاسة اللواء محمد الشرقاوي وبخطة محكمة من العميد محمد مختار رئيس مباحث قطاع الجنوب من الإيقاع والمتهمين وتمكن النقيب باسم هنداوي معاون المباحث من ضبطهما وإعادة المسروقات بالتنسيق مع قطاع الأمن العام.

اعترافات المتهمين

أمرت نيابة جنوب الجيزة، بحبس عاطلين، 4 أيام على ذمة التحقيقات، لاتهامهما بقتل سائق بالرصاص، لسرقة سيارته في العياط.

قال المتهمان أمام جهات التحقيق، أنهما لمرورهما بضائقة مادية، قررا استدراج سائق، لمنطقة خالية من السكان، وسرقة سيارته، فقاومهما المجني عليه، حيث أطلقا المتهمين الرصاص عليه، وأصاباه بطلقة رصاص، وسرقا السيارة.

كشفت التحقيقات، أن العاطلين استدرجا سائق تاكسي بحجه توصيلهما، وأثناء وصولهما لمنطقة خالية من السكان، قتلا السائق، وأفادت التحقيقات، أن العاطلين قتلا السائق بإطلاق طلقة رصاص عليه، لسرقة سيارته، وقاما بسرقة السيارة، ولاذا بالفرار.

 قتل سائق تاكسي

تلقت مديرية أمن الجيزة، بلاغًا يفيد مقتل سائق تاكسي على يد شخصين في العياط، وانتقل رجال المباحث إلى محل الواقعة، وبإجراء التحريات تبين عاطلين وراء ارتكاب الواقعة لسرقة السيارة، وأطلقا عليه الرصاص، وتمكن رجال المباحث من القبض على المتهم، وبمواجهتهما اعترفا بارتكاب الجريمة، فتم اتخاذ الإجراءات القانونية اللازمة تجاهه، وحُرر محضر بالواقعة، وتولت النيابة المختصة التحقيق.

تابع أحدث الأخبار عبر