أخبار محكمة الأسرة
طردنا لما طلبت منه فلوس.. سامية بمحكمة الأسرة: عامل نفسه راجل دين وميعرفش عنه حاجة
23 عاما من الإهانة التي عاشتها الزوجة مع رجل لا يعرف معنى المسئولية، مع العلم أنه رجل يفقه في الدين على حد قولها، ولكنه لا يعرف أي شيء عنه وكيف يرعى بيته وأولاده، حيث يرفض الإنفاق عليهم، فلجأت في النهاية إلى محكمة الأسرة من خلال دعوى نفقة أقامتها منذ سنتين، لعلها تكون الحل المثالي لبخله.
حكايات محكمة الأسرة.. اتحول بعد التلات سنين
"قعد 3 سنين كويس معايا والدنيا مكنش فيها خلافات كتيرة، آه مكنش بيصرف علينا كويس مع إنه موظف وبيقبض كوس بس برضو مكش فيه مشاكل كبيرة بينا"، هكذا بدأت سامية حكايتها لقاضي محكمة الأسرة، مؤكدة أنها حاولت مرارًا وتكرارًا التأقلم على الوضع، ولكن كانت الأوضاع تزداد سوءًا، وتابعت: "بعد أول 3 سنين من الجواز اتغير معايا وبقى حد تاني خالص، مش راضي يصرف أي حاجة على البيت وبيضربني ويهينني وعمل فيها عمايل وأنا كنت ساكتة عشان خاطر البيت والعيال".
قصص محكمة الأسرة.. طردني أنا والعيال عشان بطلب منه مصروف
تدهورت حياتهما الزوجية بسبب تمادي الزوج في عدم الإنفاق على بيته وأولاده؛ ما جعل الخلافات تتصاعد بطريقة يصعب السيطرة عليها، واستكملت حكايتها قائلة: "كل ما أكلمه على المصاريف يقول لي مش معايا وهو بيقبض كويس، بس هو بخيل ومش عايز يصرف جنيه على عياله، دا غير ضربه وإهانته لينا عمال على بطال، وطرده ليا أنا والعيال في الشارع"، وكشفت بقولها: "على طول سايب البيت ومش بيجي لنا أنا والعيال غير ساعة ولا اتنين في اليوم بس، مش بيعمل حاجة غير تبليغ الدعوة ومبين إنه راجل دين، وهو مش عارف أي حاجة عنه ولا عارف يشيل مسئوليتي أنا والعيال وما بيراعيش ربنا فينا".
دعاوي محكمة الأسرة.. سامية في دعوى نفقة
تركت الزوجة المنزل منذ سنتين، ولجأت للمحكمة من أجل رفع دعوى نفقة؛ لعل القضاء يكون الحل للحصول على أموال لأولادها، واختتمت: "سبت البيت بقالي سنتين لما لقيت إن مفيش فايدة فيه، ورفعت قضية نفقة بقالها سنتين، يمكن يفك إيده عليا شوية أنا والعيال" ولا تزال الدعوى منظورة في المحكمة حتى الآن.
تابع أحدث الأخبار عبر
