تفاصيل مرعبة يحكيها قاتل طفل شبرا الخيمة في التحقيقات

كشف طارق المتهم بقتل طفل شبرا الخيمة خلال التحقيقات أمام الجهات المختصة عن هوية أبو حمزة تاجر الأعضاء البشرية، وتفاصيل مثيرة في واقعة قتل أحمد المعروف بصغير شبرا الخيمة، والذي استدرجه إلى شقة سكنية وقتله؛ تنفيذا لطلب شخص مصري مقيم بالكويت، تعرف عليه من خلال موقع الدارك ويب الخاص بتجارة الأعضاء البشرية، في القضية التي تحمل رقم 1820 لسنة 2024 إداري قسم أول شبرا الخيمة.

اعترافات المتهم بقتل طفل شبرا الخيمة

وجاء في أقوال قاتل صغير شبرا الخيمة خلال التحقيقات أن أبو حمزة تاجر الأعضاء البشرية اسمه محمد عزت، وشهرته أبو حمزة، وأنه في شهر سبتمبر سنة 2023 تعرف عليه عن طريق صفحة على فيسبوك له تحمل اسم سلمى.

وقال قاتل طفل شبرا الخيمة إن "أبو حمزة ده سمسار أعضاء بشرية بيوفّق مع المتبرعين والمرضى مقابل مبالغ مالية، وقال لي إني ممكن أبيع كليتي مقابل 170 ألف جنيه، وبالفعل جابني بيته بشبرا الخيمة، ونزلني أشتغل في قهوة، لحد ما عملت عملية استئصال الكلية اليسرى في المستشفى الجوي التخصصي، وبعت كليتي مقابل 170 ألف جنيه أخدتهم من أهل المريض في كافتيريا المستشفى".

جريمة قتل صغير شبرا الخيمة

وأضاف"لما استقرِّيت عند أبو حمزة كنت شغال باليومية في القهوة، وفي نفس الوقت رحت عملت تحاليل في معمل الأنصاري في شبرا مصر؛ عشان أشوف أنسجة الكلية تتوافق مع مين، وأبو حمزة وفقني مع مريض هيدفع المبلغ عشان مش لاقي متبرع، ورحنا المستشفى الجوي التخصصي في التجمع؛ لأنها مش بتحتاج ضامن، وعملت العملية واستأصلوا كليتي اليسرى، وأخدت الفلوس في شنطة".

وكشف أن "جزءا من الاتفاق إني ما اعرفش هاتبرع لمين بكليتي، وصرفت الفلوس في إني أخذت ستوديو مفروش في منطقة الشبراوي - على ناصية قهوة المحروسة - شبرا الخيمة لمدة شهر مقابل 3000 جنيه، وبعد كده أخدت الشقة اللي ارتكبت فيها الواقعة، وجبت فيها صالون وتلاجة وغسالة وسخان وبوتاجاز وتليفزيون ومروحتين عمود، وعملت لها سباكة وتبييض، واشتريت هدوم وفرش للسرير".

القصة الكاملة لقتل صغير شبرا الخيمة وتقطيع أجزائه

وعن تعرفه على أحمد صغير شبرا الخيمة المجني عليه قال إنه تعرف عليه الصغير من خلال عمله في المقهى، وأنه كان يتردد كزبون، واستمرت علاقتهما بعد أن ترك العمل به.

وأضاف "أنا كنت بادي له شيكولاتة، وباعطف عليه، وما كنتش أعرف غيره.. فبعت صوره لعلي في الكويت، وقال لي تمام ماشي.. وقال لي هنخدره وتاخده عندك الشقة تاخد العينات.. وهيكلمني فيديو يشرح لي أعمل إيه عشان أخد العينات لما أطلع البيت.. لأني ما كنتش فاهم عينات إيه اللي عايزها غير إنها شوية دم عايزهم وخلاص".

أدوية منومة وأمبولات وكانيولات وأنابيب وريدية وشاش

وتابع قاتل طفل شبرا الخيمة "علي بعت لي قائمة بالحاجات اللي محتاجينها، وكلمت واحد اسمه علي شغال دليفري وبعت له وقلت له أنا محتاجها من صيدلية عشان أخويا عيان، وكان فيها أدوية منومة وأمبولات وكانيولات وأنابيب وريدية وشاش وحاجات كتير تانية مش فاكرها، ورحت له أخدتهم من قدام الصيدلية مقابل 420 جنيه مش فاكر بالظبط، ويوم التنفيذ أخدت أقراص مهدئة كتير علشان ما اتوترش وما اترددش وانا باموته، ورحت قعدت على القهوة".

أخذته إلى البيت وخدَّرته

وأوضح قاتل صغير شبرا الخيمة أنه يعرف أن أحمد ينزل من بيته دائما متأخرا على 10 بالليل "يروح السايبر يلعب، وييجي القهوة يهزر مع الناس، فقعدت، وهو جال لي قلت له أنا جايب لك هدية في البيت، هنروح مع بعض البيت أديها لك ونرجع تاني، وقلت له امشي في الحارة اللي في وش القهوة وامشي لحد شارع رشدي، وقابلته هناك، واتمشينا مع بعض لحد البيت، وجبنا علبتين عصير تفاح، وطحنت قرصين منوم في البيت، وفضيت العصير في كوباية وقلبته، وشربته لأحمد".

علي طلب مني أخنقه 

وتابع "كل شوية علي اللي في الكويت كان يكلمني على الماسنجر يقول لي هيدوخ دلوقتي وصورهولي وابعت لي الصورة، واديت أحمد الريموت قلت له هات كرتون، قال لي لا أنا تمام، وبالفعل ابتدا يدوخ فحطيت له دوائين منومين في كوباية مية بالشرائط، وقلبت المية بالأقراص وهو كان دايخ خالص، فمسكت راسه وشربته الكوباية، فنام تمامًا، وعلي كلمني فيديو، وقفل الصورة بتاعته، وكان شايف اللي أنا باعمله بس قال لي هات حبل اخنقه بيه؛ علشان نسحب العينات، فجبت حزام وجيت أخنقه لقيت أحمد صحي فجأة، ورجع تاني على ضهره، فخنقته بالحزام وما اتحركش خالص بعد كده ومات".

الأمعاء بـ 2.5 مليون جنيه والرئة بـ 3 ملايين

واستطرد قاتل صغير شبرا الخيمة بقوله "جردت أحمد من ملابسه وعلي قال لي هات سرنجة وافتح أمبول واسحبه فيها.. فجبت السرنجة وشديت السائل وسحبت الأمبول كله وركنتها.. وجبت مشرط جراحي ومن عند الصدر دست، ونزلت بالمشرط لحد السرة.. وفتحت الجلد وقال لي إن كل حاجة مطلعها ليها سعرها.. الأمعاء بـ 2.5 مليون جنيه، والرئة بـ 3 ملايين جنيه".

تابع أحدث الأخبار عبر