أخبار محكمة الأسرة
هبة لـ محكمة الأسرة : عاوز يودى أبنى ملجأ ونخلف واحد غيره
لم ترفع «هبة» على زوجها في محكمة الأسرة لنفسها بل من أجل أبنها الذي لم يصونه والده ولم يرعاه في مرضه، ولم يريد حتى أن يصرف على دوائه الذي يحتاجه، وأراد أن يدخله ملجأ بسبب مرضه، و توجهت الزوجة لمحكمة الأسرة حتى ترفع دعوى نفقة لتستطيع مساعدة ابنها الذي تخلى عنه والده بكل قسوة.
قصص محكمة الأسرة.. من ساعة ما اتجوزته وهو بخيل
قالت «هبة» في بداية حديثها :«أنا متجوزة بقالي ١١ سنة، خلفت من جوزي ولد واحد بس، وكان جواز عادي زي باقي الناس اتقدملي وكان كويس ووافقت عليه من ساعة ما اتجوزته وهو بخيل، وكان بخيل من قبل الجواز كمان لكن انا مهتمتش بالموضوع وساعدته لما كان بيحتاج حاجة».
دعاوي محكمة الأسرة..مش عايز يعالج ابنه
أكملت «هبة» حديثها وقالت: «لما خلفت ابني طلع عنده عيب خلقي وبسببه مبيسمعش كويس ومبيتكلمش خالص، لما اعرفت الي عنده جوزي رفض يعالجه قال مفيش حاجة اسمها كدة وده مش مرض محتاج علاج مع أنه المفروض مهندس ومتعلم، أهلي هما اللي كانوا بيساعدوني في مصاريف ابني ومصاريفي اللي بحتاجها لانه مش بيصرف خالص ».
حكايات محكمة الأسرة.. معرفلوش طريق بالشهور
تابعت «هبة» حديثها قائلة: «لحد اخر حاجة عملها خلاني سيبت بيتي وقالي نروح نعيش عند أمه عشان عايزة حد يساعدها ولما رحنا كان بيرمينا ويمشي ومعرفلوش طريق بالشهور، حصل بينا مشاكل كتير لحد ما زهقت منه وقررت اسيبه ».
قضايا محكمة الأسرة..عايز يرمي ابنه العيان ويجيب غيره
أنهت «هبة» حديثها قائلة: «بعد ما سيبته حاول يرجعني وانا كنت رافضة اشتطرت عليه أن عشان ارجع لازم يصرف على علاج ابنه العيان قالي، انا مبصرفش على علاج عيال والولد التعبان نرميه في الملجأ ونجيب واحد غيره لما لقيت الأذى هيوصل لابني قررت مرجعلوش تاني واصمم على الطلاق انا ابني عندي بالدنيا كلها، ورفعت عليه في المحكمة قضايا نفقات ونفقة العلاج للولد ابني احتياجات خاصة ومصاريفه كتير وهو معرفلوش طريق من ساعة الطلاق مبيرفعش علينا حتى سماعة التليفون ».
تابع أحدث الأخبار عبر
