أخبار محكمة الأسرة
«مجرش في البيت».. سما لـ محكمة الأسرة: أخره يشتغل يومين ومريح باقي الشهر
رفعت «سما» في محكمة الأسرة دعوى طلاق للضرر بعد الضرب والإهانة الذي عاشته فيهم لسنين عديدة، وعندما وجدت أن ابنتها ستتدمر حياتها بسبب علاقتها بزوجها قررت تركه ورفع القضية في محكمة الأسرة ولم يهتم الزوج ببعد زوجته وابنته عنه فلم يسأل عليهم بعد اختفائهم الا لفترة قليلة ثم تركهم وعاش حياته لنفسه فقط.
قصص محكمة الأسرة.. اتعرفت عليه عن طريق الشغل
قالت «سما» في بداية حديثها :«أنا متجوزة من 2014، اتعرفت على جوزي عن طريق مكان الشغل اللي كنت شغالة فيه، أنا وهو كنا شغالين في نفس المكان واتقدملي اتجوزنا وخلفت منه بنت واحدة بس، وظهر عليه انه عصبي وبيشتم وبيغلط كتير من ساعة الخطوبة ومن بعد الجواز لكن انا اللي كنت بقول عادي والرجالة كلها كدة بدل ما أسيبه».
دعاوى محكمة الأسرة.. عايز ينام في البيت
أكملت «سما» حديثها وقالت: «من بعد الجواز وهو بقى مبيرحش الشغل وأنا اللي بروح اشتغل وهو عايز يقعد في البيت طول النهار وميعملش حاجة ولا يصرف جنيه، حاولت معاه كتير مكنتش بقدر غير إنه ينزل يومين بس وباقي الأيام نايم في البيت».
حكايات محكمة الأسرة.. سيبت البيت عشان مش قادرة اتحمله
تابعت «سما» حديثها قائلة: « طول حياتي معاه بيشتم وبيضرب ومبيصرفش على البنت ولا على البيت وكنت بتحمل واسكت ومفيش فايدة، وقررت من 4 سنين فاتوا إني اسيبه خلاص ومرجعلوش تاني وخدت بنتي ورحت عند اهلي انا كدة كدة اللي كنت بصرف عليها ومبقتش قادرة اتحمله».
قضايا محكمة الأسرة.. رفعت عليه قضايا يمكن يتعدل
أنهت «سما» حديثها قائلة: «بعد ما سيبته فضل اول 10 ايام كان بيسأل علينا وبيصرف دلوقتي مفيش حتى السؤال مش بيسأل زهق وراح عاش حياته، اضطريت أروح المحكمة وأرفع عليه قضايا لإنه مبيسألش عليا ولا على بنته ولا بيبعت مصاريف، رافعة قضية النفقة بقالي سنتين قلت يمكن لما أرفع القضية يتعدل ويبقى كويس بس متعدلش، ورفعت قضية طلاق للضرر بسبب الضرب والإهانة اللي بيحصلوا قدام بنتي وكانت نفسيتها متدمرة بسببهم ».
تابع أحدث الأخبار عبر
