أخبار محكمة الأسرة
سمر لقاضي الأسرة: مبيراعيش ربنا في بيته وطلع بتاع ستات
عاشت سمر مع زوجها في منزل مستقر إلى حد ما ولكن كل هذا تغير فجأة بعدما اتجه الزوج لمعرفة نساء أخريات دون علمها، وهنا كان سبب الخلافات التي جعلها تفكر في الانفصال وتلجأ إلى محكمة الأسرة خصوصًا بعد ما جعل الزوج المنزل مقر نزواته وخياناته.
دعاوي محكمة الأسرة.. سمر في دعوى خلع
خلافات لانهائية بين الزوجين كان سببها خياناته المتكررة انتهت على أعتاب محكمة الأسرة بعد ما أصرت الزوجة على رفع دعوى خلع، تستهل سمر حكاياتها لقاضي محكمة الأسرة وتقول: "كنا عايشين كويس من غير خناقات، بس كل حاجة اتغيرت من ساعة ما بقى يعرف ستات عليا، في الأول كنت بعدي وبقول عادي دي مكالمة ولا شات مش مشكلة، بس الموضوع كبر بعد كدا".
حكايات محكمة الأسرة.. كل شوية مع واحدة
تصاعدت الخلافات مع مرور الوقت بسبب تمادى الزوج في خياناته وتكرر الأمر أكثر من مرة، استكملت قائلة: "كنت فاكرة إنه هيعقل ويشوف بيته وعياله بس مفيش فايدة فيه وبالعكس الموضوع زاد وبقا طول الوقت يكلم ستات ولو جيت كلمته يقولي انتي مالك انا اعمل اللي أنا عايزه"، تحملت الزوجة خياناته من أجل الحفاظ على المنزل من الخراب ولكن فاض بها الكيل في الشهور الأخيرة.
روايات محكمة الأسرة.. بيجيب ستات البيت وانا مش موجودة
أصرت سمر على التوجه إلى محكمة الأسرة ورفع دعوى خلع بعد ما ازداد الوضع عن الحد ولم تعرف كيف تتأقلم عليه، تابعت حكاياتها وقالت: "بقالي سنين بعدي عشان أحافظ على البيت ، وهو مش مراعي أي حاجة خالص ولا فارق معاه عياله ولا أي حاجة"، أنهت سمر رواياتها لقاضي محكمة الأسرة موضحة السبب الذي جعلها تلجأ إلى محكمة الأسرة في النهاية قائلة: “كان بيكلمهم في التليفون الأول بس أو شات وخلاص بعد كدا الموضوع زاد وبقا يجيبهم البيت وانا مش موجودة، مقدرتش استحمل خلاص ورفعت قضية خلع بقالي 3 شهور”، ولا تزال الدعوى منظورة حتى الآن في محكمة الأسرة.
تابع أحدث الأخبار عبر
