أخبار محكمة الأسرة
محكمة الأسرة.. مريم بدعوى نفقة: مش عارف يعيشني في نفس مستوايا
حياة مرفهة عاشتها مريم في بيت والدها، وكانت فتاة مدللة تحصل على كل ما تريده دون عناء، لهذا السبب ظنت أن حياتها بعد الزواج تستمر على هذا النمط ولكنها فوجئت بالواقع الذي واجهته في الشهور الأولى من الزواج، ووجدت حياة مختلفة تمامًا عن الحياة الذي وعدها به الزوج، وكانت محكمة الأسرة في النهاية هي الحل الأسلم من خلال رفع دعوى نفقة.
قصص محكمة الأسرة.. ضحك عليا وفهمني إنه هيعيشني في نفس مستوى أهلي
حلمت الزوجة بحياة مطابقة لحياتها في منزل زوجها، ولكن كانت المفاجأة الكبرى لها بعد ما خطت في منزل الزوجية الذي حاصرته الخلافات والمشكلات من بداية الزواج بسبب مصروف المنزل الذي كان يتهرب منه الزوج بأي طريقة جعلت الخلافات بينهما تتمادى، أول ما قالته مريم للقاضي لتبرر وجودها في محكمة الأسرة ورغبتها الشديدة في رفع دعوى نفقة هو: "لما جه يتقدملي كان مفهم بابا إنه هيعيشني في مستوى عالي زي اللي أنا عايشة فيه وأحسن كمان، عشان أنا كنت عايشة في بيت بابا مخليني مش عايزة أي حاجة وكل حاجة عايزاها بتجيلي لحد عندي".
حكايات محكمة الأسرة.. مش عارف يعيشني في نفس مستوايا
بدأت المشكلات الزوجية في التصاعد بينهما بسبب إصرار الزوج عدم الإنفاق، ما جعلها تترك المنزل في أحيان كثير لعلها تكون طريقة مجدية معه، ولكنا كانت تأتي بنتيجة عكسية معه، تابعت حكاياتها: "من ساعة ما اتجوزته واحنا عايشين في مشاكل بسبب الفلوس ومصروف البيت، وبعد ما كان مفهمني إنه هيعيشني ي مستوى كويس جدًا لقيت مستوى زي القرف وحتى مصروف البيت مش عايز يسيبه، ولو ساب فلوس بتبقى ملاليم مبعرفش اعمل بيهم إيه"
روايات محكمة الأسرة.. رفعت عليه قضية نفقة عشان مش راضي يطلقني
طلبت مريم الطلاق أكثر من زوجها بعد ما فشلت في التأقلم على هذا المستوى ولكن الزوج رفض، ما جعلها تترك المنزل وتقرر قصد محكمة الأسرة ورفع دعوى نفقة، انهت الزوجة حكاياتها لقاضي محكمة الأسرة: "مش عارفة أكمل معاه في نفس المستوى، والمشاكل بينا كترت الفترة الأخيرة بسبب نفس السبب ولما طلبت منه الطلاق رفض وقالي مش هطلق، عشان كدا مكنش قدامي حل غير إني أسيب البيت وارفع عليه قضية نفقة عشان خلاص مش قادرة استحمل طريقته دي اكتر من كدا كفاية أوي الخمس سنين دول"
تابع أحدث الأخبار عبر
