إزاي تخلي ابنك يستثمر العيدية في حاجة مفيدة؟
الأطفال والكبار، بيستنوا العيد بفارغ الصبر عشان ياخدوا العيدية، اللى أصبحت طقس مقدس من طقوس العيد في مصر، وهنا الطفل بيشعر بقيمة الفلوس وحرية التصرف فيها، بس كتير من الأطفال مش بيعرف هيعمل إيه بالعيدية.. إحنا بقى هنقولك تخلى طفلك يعمل إيه.
خلي طفلك يحوش جزء من العيدية وجزء يصرفه على الألعاب عشان يحس بحرية التصرف في فلوسة، أو تقنعه يحوش العيدية وتخططوا مع بعض إن بعد العيد تخرجوا في رحلة ويشترى اللى هو عايزة، عشان يحس بالمسئولية، وممكن برده تقنعه إنه يحوش لشراء جهاز كمبيوتر أو تليفون محمول يستخدمه في التواصل مع الأسرة.
اللي فات ده كله أفكار جميلة بس سيبك منها، وخلى الواد يصرف عيدية زي ما هو عايز، وبلاش تنصب عليه وتقوله هات أحوشهالك.. بلاش شغل نصب الأبهات والأمهات ده؟؟؟!
تابع أحدث الأخبار عبر
